മൂവാറ്റുപുഴയിൽ ആധുനിക സൗകര്യങ്ങളോട് കൂടിയ മിനി സ്റ്റേഡിയം ഉദ്ഘാടനം ചെയ്തു

ഗ്രാമീണ മേഖലയിലെ യുവാക്കളുടെ ആരോഗ്യ പരിരക്ഷയും കായിക മേഖലയുടെ വളർച്ചയും ലക്ഷ്യമിട്ട് മൂവാറ്റുപുഴ നഗരസഭയിൽ ഇരുപത്തിനാലാം വാർഡിലെ കുര്യൻമലയിൽ നിർമ്മിച്ച മിനി സ്റ്റേഡിയം ഇന്ന് രാവിലെ 11.30ന് കായിക വകുപ്പ് മന്ത്രി വി. അബ്ദുറഹിമാൻ നാടിന് സമർപ്പിച്ചു. നഗരസഭ ഉടമസ്ഥതയിലുള്ള 80 സെൻ്റ് സ്ഥലത്ത് 70 ലക്ഷത്തോളം രൂപ ചെലവഴിച്ചാണ് സ്റ്റേഡിയം നിർമ്മിച്ചിരിക്കുന്നത്. ടർഫ് മാതൃകയിൽ ഗാലറി, മഡ് കോർട്ട്, ഓഫീസ്, വിശ്രമ മുറികൾ, ഫ്ലഡ് ലൈറ്റ് തുടങ്ങിയ ആധുനിക സംവിധാനങ്ങളോട് കൂടിയാണ് സ്റ്റേഡിയത്തിൻ്റെ നിർമ്മാണം പൂർത്തീകരിച്ചത്. സർക്കാരിൽ നിന്ന് 35 ലക്ഷം രൂപ, നഗരസഭ വിഹിതത്തിൽ നിന്ന് ഡീൻ കുര്യാക്കോസ് എം.പിയുടെ ഫണ്ടിൽ നിന്ന് 10 ലക്ഷം രൂപ വീതവും ഡോ. മാത്യു കുഴൽനാടൻ എം.എൽ.എയുടെ ഫണ്ടിൽ നിന്ന് 15 ലക്ഷം രൂപയും വിനിയോഗിച്ചാണ് സ്റ്റേഡിയം നിർമ്മാണം പൂർത്തിയാക്കിയത്.