വാടക കുടിശിക ആരോപിച്ച് പി.വി ശ്രീനിജന്‍ MLA പൂട്ടിയ ഗ്രൗണ്ട് കൗണ്‍സിലര്‍മാരെത്തി തുറന്നു

നീണ്ട നേരത്തെ പ്രതിഷേധത്തിനൊടുവില്‍ കേരളാ ബ്ലാസ്റ്റേഴ്സ് സെലക്ഷന്‍ ട്രയല്‍സ് നടക്കുന്ന കൊച്ചി പനമ്പള്ളി നഗറിലെ ഗ്രൗണ്ടിലേക്ക് ഫുട്ബോള്‍ താരങ്ങളെയും രക്ഷിതാക്കളെയും പ്രവേശിപ്പിച്ചു. എട്ട് മാസത്തെ വാടക കുടിശിക തരാനുണ്ടെന്ന് ആരോപിച്ച് ജില്ലാ സ്പോര്‍ട്സ് കൗണ്‍സില്‍ പ്രസിഡന്‍റ് കൂടിയായ പി.വി ശ്രീനിജന്‍ എംഎല്‍എ ഗ്രൗണ്ടിന്‍റെ ഗേറ്റ് പൂട്ടിയിട്ടിരുന്നു. ഇതേതുടര്‍ന്ന് ഐഎസ്എല്‍ ക്ലബ്ബായ കേരള ബ്ലാസ്റ്റേഴ്സിന്‍റെ അണ്ടര്‍ 17 സെലക്ഷന്‍ ട്രയല്‍സ് തടസപ്പെട്ടിരുന്നു. എംഎല്‍എ ഗേറ്റ് പൂട്ടിയതോടെ ട്രയല്‍സിനെത്തിയ താരങ്ങളും രക്ഷിതാക്കളും ഗ്രൗണ്ടിന് പുറത്ത് ഏറെ നേരം കാത്തുനിന്നു.