‘കതിരുകൊയ്യാൻ യുവജനങ്ങൾ’: അങ്കമാലിയിൽ ഡി.വൈ.എഫ്.ഐയുടെ നെൽകൃഷി പദ്ധതിക്ക് തുടക്കം

അങ്കമാലി കർഷകഭേരി ആറാം ഘട്ടത്തിൻ്റെ ഭാഗമായി 'കതിരുകൊയ്യാൻ യുവജനങ്ങൾ' എന്ന മുദ്രാവാക്യമുയർത്തി ഡി.വൈ.എഫ്.ഐ. അങ്കമാലി ബ്ലോക്ക് കമ്മിറ്റി നെൽകൃഷി ആരംഭിച്ചു. മണ്ഡലത്തിലാകെ പത്തേക്കർ കൃഷി ചെയ്യാനാണ് ലക്ഷ്യമിടുന്നത്. നെൽകൃഷിയുടെ ബ്ലോക്ക് തല ഉദ്ഘാടനം 2025 ജൂലൈ 8 ന് രാവിലെ 7:30 ന് തുറവൂർ പെരിങ്ങാംപറമ്പ് കൂക്ക പാടശേഖരത്തിൽ സംസ്ഥാന യുവജന കമ്മീഷൻ ചെയർമാൻ എം ഷാജർ വിത്തിറക്കി നിർവ്വഹിച്ചു.