അമേരിക്കൻ ശില്പകലാ മാതൃകയിൽ നിർമ്മിച്ച സെന്റ് മേരിസ് ഫെറോനാ പള്ളി ; ഏഷ്യയിലെ ആദ്യ "റോസറി ഗാർഡൻ" ഇവിടെയാണ്‌

അമേരിക്കൻ ശില്പകലാ മാതൃകയിലാണ് ദേവാലയം നിർമിച്ചിരിക്കുന്നത്.ഇതിന് 180 അടി നീളവും 55 അടി വീതിയുമുണ്ട്. 1929 ജനുവരി ഒന്നാം തിയതി ചങ്ങനാശ്ശേരി രൂപതയുടെ മെത്രാൻ മാർ ജയിംസ് കാളാശ്ശേരിയുടെ നിർദേശ പ്രകാരമാണ് അതിരമ്പുഴ സെന്റ് മേരീസ് പള്ളി ഫെറോനാ പള്ളിയായി ഉയർത്തിയത്. ലുത്തിനിയായുടെ ശിൽപാവിഷ്കാരം ഉൾക്കൊള്ളിച്ചിട്ടുള്ള ഏഷ്യയിലെ ആദ്യത്തെ “റോസറി ഗാർഡൻ” നിർമ്മിച്ചിരിക്കുന്നത് ഇവിടെയാണ്‌.എല്ലാ വർഷവും ജനുവരി മാസത്തിൽ ആഘോഷിക്കുന്ന വിശുദ്ധ സെബസ്ത്യാനോസിന്റെ തിരുനാളാണ് ഇവിടത്തെ പ്രധാന തിരുനാൾ.