നവരാത്രി-വിജയദശമി മഹോത്സവത്തിന് പ്രസിദ്ധമാണ് പനച്ചിക്കാട് ക്ഷേത്രം

വിഷ്ണു ക്ഷേത്രമാണെങ്കിലും സരസ്വതിയുടെ പേരിലാണ് പനച്ചിക്കാട് ക്ഷേത്രം പ്രസിദ്ധമായത്. വിഷ്ണു ക്ഷേത്രത്തിന് തെക്കുമാറി കുളത്തിനരികിലാണ് സരസ്വതി ദേവിയെ പ്രതിഷ്ഠിച്ചിരിക്കുന്നത്. ഗണപതി, ശിവൻ, ശാസ്താവ്, യക്ഷി, നാഗരാജാവ് തുടങ്ങിയ പ്രതിഷ്ഠകൾ ക്ഷേത്രത്തിലെ ഉപദേവതകളാണ്. ദുർഗ്ഗാഷ്ടമി, മഹാനവമി തുടങ്ങിയ ദിവസങ്ങളിൽ ഒഴികെ മറ്റെല്ലാ ദിവസവും മൂകാംബികയിൽ എന്നപോലെ പനച്ചിക്കാട് ക്ഷേത്രത്തിലും വിദ്യാരംഭം നടത്തുന്നുണ്ട്. ഒൻപതു ദിവസം നീണ്ടുനിൽക്കുന്ന നവരാത്രി-വിജയദശമി മഹോത്സവത്തിന് ദേവിയെ തൊഴാനായി ധാരാളം ഭക്തരാണ് ഇവിടേക്ക് എത്തുന്നത്