'കളറായി 'വൈക്കം ബീച്ച് ; സത്യാഗ്രഹത്തെ ഓർമപ്പെടുത്തി വഴിയോര ശില്പങ്ങൾ

നിരവധി സഞ്ചാരികളാണ് കായലിന്റെ ഭംഗി ആസ്വദിക്കാനായി ഇവിടേക്ക് എത്തുന്നത്.വൈക്കം ബീച്ചിന്റെ പ്രധാനപെട്ട സവിശേഷതകളിൽ ഒന്നായി മാറി കഴിഞ്ഞിരിക്കുക ആണ് വഴിയോര ശില്പങ്ങൾ. ലളിത കലാ അക്കാദമി ആണ് സത്യഗ്രഹ സ്മൃതി ഉദ്യാനം ഇത്ര മനോഹരമായി ഒരുക്കിയിരിക്കുന്നത്. വൈക്കം സത്യാഗ്രഹത്തെ ഓർമപ്പെടുത്തി കൊണ്ട് വിവിധ ശില്പികൾ തയ്യാറാക്കിയിരിക്കുന്ന പത്തു ശില്പങ്ങളാണ് ബീച്ചിലേക്കുള്ള നടപ്പാതയിൽ ഉടനീളം കാണാൻ സാധിക്കുന്നത്. വൈക്കം ബോട്ട്ജെട്ടിക്ക് സമീപമാണ് ബീച്ച് എന്നുള്ളത് കൊണ്ടുതന്നെ വൈക്കം-തവണക്കടവ് റൂട്ടിൽ ബോട്ട് യാത്ര നടത്താനുള്ള സൗകര്യവും അധികൃതർ ഒരുക്കിയിട്ടുണ്ട്.