ശ്രദ്ധേയമായി കുട്ടി ചിത്രകാരന്മാരുടെ "ലിറ്റിൽ സീഡ്‌സ്" ചിത്രപ്രദർശനം 

കാർട്ടൂൺ കഥാപാത്രങ്ങൾ മുതൽ കേരളത്തിന്റെ അഭിമാന കലയായ കഥകളി വരെ കുട്ടി കലാകാരന്മാരുടെ ചിത്രങ്ങളിൽ ഇടം നേടിയിട്ടുണ്ട്. പ്രമുഖരായ ചിത്രകാരന്മാരെപ്പോലും അതിശയിപ്പിക്കുന്ന തരത്തിലുള്ള ചിത്രങ്ങളാണ് കുട്ടികൾ കാഴ്ചക്കാർക്കായി ഒരുക്കിയിരിക്കുന്നത്. നിരവധി ആളുകളാണ് കുട്ടികളുടെ ചിത്രരചനാവൈഭവങ്ങൾ കാണാനും ആസ്വദിക്കാനുമായി ലളിതകലാ അക്കാദമി ആർട്ട് ഗാലറിയിലേക്കെത്തുന്നത്. രാവിലെ 10 മണി മുതൽ വൈകിട്ട് 6:30 വരെയാണ് പ്രദർശനം,പ്രവേശനം സൗജന്യമാണ്. ഒക്ടോബർ ഇരുപത്തി നാലിന് ആരംഭിച്ച ചിത്രകലാ പ്രദർശനം ഇരുപത്തിയൊൻപതിനാണ് അവസാനിക്കുന്നത്.