ചൈതന്യ കാർഷിക മേളയിൽ താരങ്ങളായി "ഭീമൻ കപ്പയും" "കൊട്ട വലുപ്പ ചേനയും"

"ഭീമൻ കപ്പയും ",  "കൊട്ട വലുപ്പ ചേന"യുമാണ് കാർഷിക വിള പ്രദർശന പവിലിയനിലെ താരങ്ങൾ. മൃഗങ്ങളുടെ പ്രദർശനത്തിൽ 1700 കിലോ തൂക്കവും, ആറടി ഉയരവും, എണ്ണക്കറുപ്പിൽ തലയുയർത്തി നിൽക്കുന്ന "നീണ്ടൂർ യുവരാജ്" എന്ന കൂറ്റൻ പോത്താണ് പ്രധാന ആകർഷണം. കാർഷിക മത്സരങ്ങൾ, ഫുഡ്‌ ഫെസ്റ്റുകൾ, കാർഷിക മ്യൂസിയം, ഗീർ പശുക്കളുടെയും വിവിധ വിഭാഗത്തിൽപ്പെട്ട ആടുകളുടെയും പ്രദർശനം, പുഷ്പ-ഫല വൃക്ഷാദികളുടെ പ്രദർശനവും വിപണനവും തുടങ്ങിയവ കാർഷികമേളയിൽ ഒരുക്കിയിട്ടുണ്ട്. നവംബർ 20നു ആരംഭിച്ച കാർഷികമേള 26നു അവസാനിക്കും. മേളയിൽ പ്രവേശനം സൗജന്യമാണ്.