ആർപ്പോ 2026: ജെൻഡർ പ്രമേയമായ ചലച്ചിത്രമേളയും സാംസ്‌കാരിക പരിപാടികളുമായി മേളയ്ക്ക് തുടക്കം

വനിതാ ശിശു വികസന വകുപ്പിന് കീഴിൽ നടപ്പിലാക്കുന്ന 'ആർപ്പോ 2026' പരിപാടിയുടെ ഉദ്ഘാടനം വനിതാ ശിശു വികസന വകുപ്പ് ജില്ലാ ഓഫീസർ സബീന ബീഗം നിർവഹിച്ചു. സ്ത്രീകൾക്ക് യാതൊരുവിധ മുൻവിധികളും അതിരുകളും കൂടാതെ ഒത്തു കൂടാൻ ഒരിടം രൂപപ്പെടുത്തുക എന്ന ലക്ഷ്യത്തോടെയാണ് ജെൻഡർ പാർക്കിൻ്റെ നേതൃത്വത്തിൽ ആർപ്പോ നടത്തിവരുന്നതെന്നും അവരുടെ സർഗ്ഗശേഷി വർദ്ധിപ്പിക്കാനും കഴിവുകൾ പ്രകടമാക്കാനും വേണ്ടിയുള്ള സ്വതന്ത്ര്യമായ വേദിയാണ് ആർപ്പോയെന്നും ഉദ്ഘാടന ചടങ്ങിൽ അവർ പറഞ്ഞു. യു എൻ വുമൻ, കേരള ചലച്ചിത്ര അക്കാഡമി, പി.കെ. റോസി ഫിലിം സൊസൈറ്റി എന്നിവരുടെ സഹകരണത്തോടെയാണ് പ്രോഗാം സംഘടിപ്പിച്ചിരിക്കുന്നത്.