നവീകരിച്ച കൈതപ്പൊയിൽ - കോടഞ്ചേരി - തിരുവമ്പാടി റോഡ് ഇനി ജനങ്ങളിലേക്ക്

ദേശീയ പാത, മലയോര ഹൈവേ, തീരദേശ ഹൈവേ, തുരങ്കപാത തുടങ്ങിയ പദ്ധതികൾ പശ്ചാത്തല വികസനത്തിൽ വലിയ മാറ്റം ഉണ്ടാക്കിയെന്നും മന്ത്രി പറഞ്ഞു. കൈതപ്പൊയിലിൽ നടന്ന പരിപാടിയിൽ ലിൻ്റോ ജോസഫ് എംഎൽഎ അധ്യക്ഷനായി. പുതുപ്പാടി ഗ്രാമപഞ്ചായത്ത് അംഗങ്ങളായ ശ്രീജിത്ത്‌ എലോക്കര, ശിഹാബ് അടിവാരം, കെ.ആർ.എഫ്.ബി. എക്സിക്യൂട്ടീവ് എഞ്ചിനീയർ പി ബി ബൈജു, അസിസ്റ്റൻ്റ് എക്സിക്യൂട്ടീവ് എഞ്ചിനീയർ അബ്ദുൽ അസീസ്, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു. 70.36 കോടി രൂപ ചെലവിട്ട് 21.20 കിലോമീറ്റർ ദൂരത്തിലും 10 മീറ്റർ വീതിയിലുമുള്ള റോഡിൻ്റെ പണി നാഥ് ഇൻഫ്രാസ്ട്രക്ചേഴ്സ് എന്ന കമ്പനിയായിരുന്നു ഏറ്റെടുത്തത്. എന്നാൽ, കാലാവധിക്കുള്ളിൽ പൂർത്തിയാക്കാത്തതിനാൽ ബാക്കിയുള്ള പ്രവൃത്തികൾ 45.83 കോടി രൂപക്ക് ഊരാളുങ്കൽ ലേബർ കോൺട്രാക്ട് സൊസൈറ്റി ഏറ്റെടുത്താണ് പൂർത്തീകരിച്ചത്‌. ബി.എം. ആൻഡ് ബി.സി. നിലവാരത്തിൽ ഓവുചാൽ, ആവശ്യമായ സ്ഥലങ്ങളിൽ കലുങ്ക്, റോഡ്‌ മാർക്കിങ്, സുരക്ഷ സംവിധാനങ്ങൾ എന്നിവയോടെയാണ് പ്രവൃത്തി പൂർത്തീകരിച്ചത്‌.