കേൾവിശക്തി കാത്തുസൂക്ഷിക്കാം: ലോക കേൾവി ദിനം ആചരിച്ച് കോഴിക്കോട്
Last Updated:
ബീച്ച് ജനറൽ ആശുപത്രിയിൽ നടന്ന ചടങ്ങിൽ കുട്ടികളിലെ കേൾവിക്കുറവ് നേരത്തെ തിരിച്ചറിയുന്നതിനായുള്ള ബോധവൽക്കരണ പരിപാടികളും മെഡിക്കൽ ക്യാമ്പുകളും സംഘടിപ്പിച്ചു.
ജില്ലാ ആരോഗ്യ വകുപ്പ്, ദേശീയ ആരോഗ്യ ദൗത്യം, ദേശീയ ബധിരത നിയന്ത്രണ പദ്ധതി എന്നിവയുടെ ആഭിമുഖ്യത്തില് ലോക കേള്വി ദിനം ആചരിച്ചു. ജില്ലാതല ഉദ്ഘാടനം ഗവ. ബീച്ച് ജനറല് ആശുപത്രിയില് അഡീഷണല് ഡി.എം.ഒ. ഡോ. വി പി രാജേഷ് നിര്വഹിച്ചു. ആശുപത്രി സൂപ്രണ്ട് ഡോ. സച്ചിന് ബാബു അധ്യക്ഷനായി. ദേശീയ ബധിരത നിയന്ത്രണ പദ്ധതി റിപ്പോര്ട്ട് ജില്ലാ നോഡല് ഓഫീസര് ഡോ. ടി എന് സുരേഷ് അവതരിപ്പിച്ചു. ആശുപത്രി ഡെപ്യൂട്ടി സൂപ്രണ്ട് ഡോ. അനുരാധ, ഇ.എന്.ടി. വിഭാഗം മേധാവി ഡോ. സി ജെ മൈക്കല്, ആര്.എം.ഒ. ഡോ. ഭാഗ്യരൂപ, ഇ.എന്.ടി. കണ്സല്ട്ടൻ്റ് ഡോ. സുജിത്ത്, ജില്ലാ എഡ്യൂക്കേഷന് ആന്ഡ് മീഡിയ ഓഫീസര് ഡോ. എല് ഭവില, ചീഫ് നഴ്സിങ് ഓഫീസര് ശൈല, ഓഡിയോളജിസ്റ്റ് നീതു എറങ്കോട്ട് തുടങ്ങിയവര് പങ്കെടുത്തു.
സ്കൂള് വിദ്യാര്ഥികളില് ശ്രദ്ധിക്കപ്പെടാതെ പോകുന്ന കേള്വിക്കുറവിനെയും അതിൻ്റെ പരിഹാരമാര്ഗങ്ങളെയും കുറിച്ചുള്ള ബോധവത്കരണത്തിൻ്റെ ഭാഗമായി നഴ്സിങ് സ്കൂള് വിദ്യാര്ഥികള് സ്കിറ്റ് അവതരിപ്പിച്ചു. സ്കൂള് വിദ്യാര്ഥികള്ക്കായി ഇ.എന്.ടി. മെഡിക്കല് ക്യാമ്പും ഒരുക്കി. വടകര ജില്ലാ ആശുപത്രിയിലും കൊയിലാണ്ടി, പേരാമ്പ്ര, ഫറോക്ക് താലൂക്ക് ആശുപത്രികളിലും ദിനാചരണത്തോടനുബന്ധിച്ച് വിവിധ പരിപാടികള് സംഘടിപ്പിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode [Calicut],Kozhikode,Kerala
First Published :
Mar 04, 2026 5:40 PM IST
