കോഴിക്കോട് മെഡിക്കൽ കോളേജിലെ തീപിടിത്തം; മരണങ്ങൾ പുക ശ്വസിച്ചിട്ടല്ലെന്ന് അധികൃതർ
- Published by:ASHLI
- news18-malayalam
Last Updated:
ഒരാള് സംഭവത്തിനു മുന്പ് തന്നെ മരിച്ചിരുന്നുവെന്നും മറ്റുള്ളവരുടെ നില അതീവ ഗുരുതരമായിരുന്നുവെന്നും ചിലര്ക്ക് വെന്റിലേറ്റര് സഹായം നല്കിയിരുന്നെന്നും റിപ്പോർട്ട്
കോഴിക്കോട് മെഡിക്കല് കോളജ് ഷോര്ട്ട് സര്ക്യൂട്ട് അപകടത്തിന് ശേഷം ആശുപത്രിയിൽ ഉണ്ടായ അഞ്ച് മരണങ്ങള്ക്കും അപകടവുമായി യാതൊരു ബന്ധവുമില്ലെന്ന വിശദീകരണവുമായി മെഡിക്കല് കോളജ് പ്രിന്സിപ്പല്. ഒരാള് സംഭവത്തിനു മുന്പ് തന്നെ മരിച്ചിരുന്നുവെന്നും മറ്റുള്ളവരുടെ നില അതീവ ഗുരുതരമായിരുന്നുവെന്നും ചിലര്ക്ക് വെന്റിലേറ്റര് സഹായം നല്കിയിരുന്നെന്നും പ്രിന്സിപ്പല് പറഞ്ഞു.
പുക ശ്വസിച്ചാണ് രോഗികള് മരിച്ചതെന്ന ആരോപണം ആശുപത്രി അധികൃതർ തള്ളി. മൂന്നോളം രോഗികള് തീപിടുത്തവുമായി ബന്ധപ്പെട്ട് മരിച്ചെന്നായിരുന്നു ടി സിദ്ദിഖ് എംഎല്എയുടെ ആരോപണം. അത് ചര്ച്ചയായതിനെ തുടര്ന്നാണ് വിശദീകരണവുമായി ആശുപത്രി അധികൃതര് രംഗത്തെത്തിയത്.
ഇന്നലെ രാത്രി 8 മണിയോടെയാണ് തീപിടുത്തമുണ്ടായത്. എസിയിലുണ്ടായ ഷോര്ട്ട് സര്ക്യൂട്ടാണ് അപകടത്തിന് കാരണം എന്നാണ് ഫയര് ഫോഴ്സ് ഉദ്യോഗസ്ഥരുടെ കണ്ടെത്തല്. മൂന്ന് നിലകളില് നിന്നുള്ള രോഗികളെ പൂര്ണമായും ഒഴിപ്പിച്ചു. അത്യാഹിത വിഭാഗത്തിലെ ഗുരുതരാവസ്ഥയിലുള്ള രോഗികളെ മറ്റ് ആശുപത്രികളിലേക്കും മറ്റുള്ളവരെ താഴത്തെ നിലകളിലേക്കും മാറ്റി.
advertisement
പ്രദേശത്തെ നിരവധി ആംബുലന്സുകള് രോഗികളെ മാറ്റുന്നതിന് ഉപയോഗിച്ചുവരുന്നു. പൊലീസും ഫയര് ഫോഴ്സും സന്നദ്ധ സംഘടനകളും ആശുപത്രി ജീവനക്കാരും നാട്ടുകാരും ചേര്ന്നാണ് രോഗികളെ ഒഴിപ്പിക്കുന്നത്. തീ നിയന്ത്രണവിധേയമായെങ്കിലും കൂടുതല് പുക നിലനില്ക്കുന്നത് രോഗികളും കൂട്ടിരിപ്പുകാരും ബുദ്ധിമുട്ടിലാണ്.
അതേസമയം കോഴിക്കോട് മെഡിക്കല് കോളേജിലെ യുപിഎസ് റൂമില് പുക കണ്ട സംഭവത്തെ തുടര്ന്ന് ഇന്ന് രാത്രിയില് അത്യാഹിത സേവനം ആവശ്യമുള്ള രോഗികള്ക്ക് ബീച്ച് ഹോസ്പിറ്റലില് അതിനുള്ള സൗകര്യം ലഭ്യമാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. മെഡിക്കല് കോളേജിലെ ഡോക്ടര്മാരുടെ സേവനം കൂടി അവിടെ ലഭ്യമാക്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode,Kerala
First Published :
May 03, 2025 6:56 AM IST
മലയാളം വാർത്തകൾ/ വാർത്ത/Kerala/
കോഴിക്കോട് മെഡിക്കൽ കോളേജിലെ തീപിടിത്തം; മരണങ്ങൾ പുക ശ്വസിച്ചിട്ടല്ലെന്ന് അധികൃതർ
