ശേഖരാ,കോടതി ഉത്തരവ് ഇതായെന്ന് ജലീല്‍; ഉടച്ച തേങ്ങ സ്വന്തം തലയ്ക്ക് കൊണ്ടെന്ന് ഫിറോസ്; കത്വ ഫണ്ട് തട്ടിപ്പില്‍ നേതാക്കളുടെ പോര്

മലപ്പുറം: കത്വ ഫണ്ട് തട്ടിപ്പുകേസില്‍ നേതാക്കളുടെ സോഷ്യല്‍ മീഡിയ പോര്. കേസില്‍ കുറ്റാരോപിതരായ മുസ്‌ലിം ലീഗ് നേതാക്കൾ സി.കെ.സുബൈറിനെയും പി.കെ.ഫിറോസിനെയും കുറ്റവിമുക്തരാക്കി സര്‍ക്കിള്‍ ഇന്‍സ്‌പെക്ടര്‍ നല്‍കിയ പൊലീസ് റിപ്പോര്‍ട്ട് തള്ളി, കോടതി പുറപ്പെടുവിച്ച ഉത്തരവെന്ന് അവകാശപ്പെടുന്ന രേഖകള്‍ പുറത്തുവിട്ട് കെ.ടി.ജലീല്‍ എംഎല്‍എയാണ് പോരിന് തുടക്കമിട്ടത്. ഫേസ്ബുക്ക് പോസ്റ്റിലൂടെയാണ് രേഖകൾ പുറത്തുവിട്ടത്. എന്നാൽ, സ്വകാര്യ അന്യായത്തിൽ നോട്ടിസ് അയച്ച കോപ്പിയാണ് ഇപ്പോൾ പൊക്കിപ്പിടിച്ച് കൊണ്ടുവന്നിരിക്കുന്നതെന്ന് ആരോപിച്ച് യൂത്ത് ലീഗ് നേതാവ് പി.കെ.ഫിറോസും രംഗത്തെത്തി.