മകനുമായി ബന്ധമുണ്ടായിരുന്ന വിവാഹിതയായ യുവതിയെ വിളിച്ചു വരുത്തി തീകൊളുത്തി കൊന്ന അമ്മയ്ക്കും മകനും ജീവപര്യന്തം

നെടുമങ്ങാട്: വീട്ടുമുറ്റത്തുവെച്ച് യുവതിയെ മണ്ണെണ്ണയൊഴിച്ച് തീകൊളുത്തി കൊലപ്പെടുത്തിയ കേസിൽ അമ്മയ്ക്കും മകനും ജീവപര്യന്തം തടവുശിക്ഷ. കല്ലറ പാങ്ങോട് ചന്തക്കുന്ന് സ്വദേശിനി റാഹിലാ ബീവി, മകൻ സാഗർ എന്നിവരെയാണ് നെടുമങ്ങാട് എസ്.സി.-എസ്.ടി. കോടതി ശിക്ഷിച്ചത്. ജീവപര്യന്തത്തിന് പുറമെ പ്രതികൾ അരലക്ഷം രൂപ വീതം പിഴയും ഒടുക്കണം. ഈ തുക മരിച്ച സിന്ധുവിന്റെ മൂന്ന് പെൺമക്കൾക്ക് നൽകാൻ ജഡ്ജി ഷാജഹാൻ ഉത്തരവിട്ടു.