മൂന്നുവർഷം മുൻപുള്ള വിരലിലെ മഷിയടയാളം മാഞ്ഞില്ല; ഇത്തവണ വോട്ട് ചെയ്യാനെത്തിയത് ആശങ്കയിൽ; പക്ഷേ...

കൃഷ്ണനുണ്ണി മുക്കത്തും പരിസരത്തുമായി 30 വർഷത്തോളമായി ഓട്ടോ ഓടിക്കുയാണ്. ഇത്തവണത്തെ ലോക്സഭാ തെരെഞ്ഞെടുപ്പിൽ വോട്ട് ചെയ്യാൻ കഴിയുമോ എന്ന ആശങ്കയിൽ ആയിരുന്നു ഇദ്ദേഹം. 2021 ലെ തദ്ദേശ സ്വയംഭരണ തെരഞ്ഞെടുപ് സമയത്ത് മുക്കം നഗര സഭയിലേക്കുള്ള വോട്ട് ചെയ്‌ത സമയത്തുള്ള വിരലിൽ തേച്ച മഷിയടയാളം ഇതുവരെ പോയില്ല എന്നതാണ് കാരണം.

Also Read- ലോക്‌സഭാ തെരഞ്ഞെടുപ്പിൽ വോട്ടര്‍മാരുടെ കൈയില്‍ പതിക്കാന്‍ എത്രമാത്രം മഷി വേണ്ടിവരുമെന്ന് അറിയാമോ?

പോളിംഗ് ബൂത്തിലെത്തി ഓഫീസർമാരോട് കാര്യങ്ങൾ പറഞ്ഞു മനസിലാക്കി അവസാനം വോട്ട് ചെയ്യാൻ അനുമതി നേടുകയായിരുന്നു. നഖം വെട്ടിയാലും വീണ്ടും വരുന്ന നഖത്തിനും മഷി അടയാളം വരുന്നുണ്ടെന്നും അത് എന്തുകൊണ്ടാണ് എന്ന് തനിക്കറിയില്ലെന്നും കൃഷ്ണനുണ്ണി ന്യൂസ് 18നോട് പറയുന്നു. ഏതായാലും മൂന്ന് വർഷമായിട്ടും വിരലിലെ മഷിയടയാളം പോകാത്തത് ഒരു അപൂർവ സംഭവം തന്നെയെന്നാണ് ഉദ്യോഗസ്ഥരും പറയുന്നു.