നൂറാടിയിലെ നോമ്പ് രുചികൾ; രാത്രികാല വിഭവങ്ങൾ

കോഴിക്കോട്ടും മലപ്പുറത്തും എത്തിയാൽ ഈ സീസണിൽ കൂണുപോലെ നിരവധി തെരുവോര ഭക്ഷണ സ്റ്റാളുകൾ കാണാം. കേരളത്തിലുടനീളമുള്ള റംസാൻ ഭക്ഷണ പാതയിലേക്ക് നോമ്പ് തുറന്നാൽ ജനങ്ങൾ ഒഴുകിയെത്തുന്നു.റമസാനിനോടനുബന്ധിച്ച് ഏറ്റവും വൈവിധ്യമുള്ള ഭക്ഷണം ലഭിക്കുന്നത്‌ മലപ്പുറത്താണ്.

ഫുഡ് സ്ട്രീറ്റുകകളിൽ പലതിലും നാടൻ രുചികളാണ് മലപ്പുറത്ത് ലഭിക്കുക. രാത്രിയായാൽ ഇത്തരം ഭക്ഷണ സ്റ്റാളുകൾ കൂട്ടത്തോടെ എത്തുന്ന ഭക്ഷണ പ്രേമി സംഘങ്ങൾ കൈയടക്കും. മലപ്പുറം നഗരത്തോടു ചേർന്ന് കിടക്കുന്ന നൂറാടിയിൽ കടലുണ്ടിപ്പുഴയോരത്ത് പ്രവർത്തിക്കുന്ന ഫുഡ് സ്ട്രീറ്റിൽ ദിവസവും എത്തുന്നത് ഇത്തരത്തിൽ നൂറുകണക്കിന് ആളുകളാണ്.

ഇരുപതോളം വ്യത്യസ്ത കടകളാണ് നൂറാടിയിലെ ഫുഡ് സ്ട്രീറ്റിൽ ഉള്ളത്. പലതരം ഐസ്ക്രീം, മാങ്ങയും പൈനാപ്പിളും ഉപ്പിലിട്ട നെല്ലിക്ക, പലതരം ലഘു കടികൾ, സാലഡുകൾ, കപ്പ പുഴുങ്ങിയതും വറുത്തതും, പലതരം എണ്ണക്കടികൾ മുതൽ ബ്രോസ്റ്റും പത്തിരിയും മട്ടൻ അലീസയും വരെ ഇവിടെയുണ്ട്. ബീഫ് കിഴി, പഴം നിറച്ചത്, ഷവർമ തുടങ്ങി പലതരം വിഭവങ്ങൾ വേറെയും. ഇതിനെല്ലാം പുറമേ, സൗഹൃദം പകരാനെത്തുന്നവരുടെ കാഴ്ചകളും