മലയാളി മർച്ചന്റ് നേവി ഉദ്യോഗസ്ഥനെ നടുക്കടലിൽ കപ്പലിൽ നിന്ന് കാണാതായി
- Published by:Rajesh V
- news18-malayalam
Last Updated:
പുലര്ച്ചെ 4 മണിക്ക് ഡ്യൂട്ടി കഴിഞ്ഞ ശേഷം വിശ്രമിക്കാനായി കപ്പലിലിലെ മുറിയില് പോയ മനേഷിനെ പിന്നീട് കാണാതായെന്നാണ് കമ്പനി അധികൃതര് പറയുന്നത്
മലപ്പുറം: മലപ്പുറം നിലമ്പൂർ സ്വദേശിയായ മര്ച്ചന്റ് നേവി ഉദ്യോഗസ്ഥനെ കപ്പല് യാത്രക്കിടെ കാണാതായതായി പരാതി. ലൈബീരിയന് എണ്ണക്കപ്പലായ എംടി പറ്റ്മോസിന്റെ സെക്കന്റ് ഓഫീസറായ മനേഷ് കേശവദാസിനെയാണ് ജോലിക്കിടെ കാണാതായത്. അബുദാബിയില് നിന്നും മലേഷ്യക്കുള്ള യാത്രക്കിടയിലാണ് സംഭവമെന്ന് കപ്പല് കമ്പനി അധികൃതര് കുടുംബത്തെ അറിയിച്ചു.
കപ്പല് കമ്പനി അധികൃതരാണ് ഇക്കാര്യം കുടുംബത്തെ അറിയിച്ചത്. അബുദാബിയിലെ ജബല് ധാനയില്നിന്നും മലേഷ്യയിലേക്ക് ചരക്കുമായി പോകുന്നതിനിടെ ബുധനാഴ്ചയാണ് മനേഷിനെ കാണാതായത്. പുലര്ച്ചെ 4 മണിക്ക് ഡ്യൂട്ടി കഴിഞ്ഞ ശേഷം വിശ്രമിക്കാനായി കപ്പലിലിലെ മുറിയില് പോയ മനേഷിനെ പിന്നീട് കാണാതായെന്നാണ് കമ്പനി അധികൃതര് പറയുന്നത്.
advertisement
കപ്പല് ഇപ്പോള് കടലില് നങ്കൂരമിട്ട് തെരച്ചില് നടത്തുകയാണെന്ന് കമ്പനി അധികൃതര് കുടുംബത്തെ അറിയിച്ചിട്ടുണ്ട്. മനേഷിന്റെ കുടുംബം വിദേശ കാര്യ മന്ത്രാലയത്തിനും കോസ്റ്റ് ഗോര്ഡിനും പരാതി നല്കി. അവധിക്ക് നാട്ടിലെത്തിയ മനേഷ് ഓഗസ്റ്റ് മൂന്നിനാണ് മടങ്ങിയത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Malappuram,Malappuram,Kerala
First Published :
Oct 14, 2023 8:54 AM IST
