സോളാർ വച്ചിട്ടും ഉയർന്ന ബിൽ; മുൻ DGP ആർ. ശ്രീലേഖയുടെ ആരോപണങ്ങൾ അബദ്ധമെന്ന് മന്ത്രി കെ. കൃഷ്ണൻകുട്ടി

തിരുവനന്തപുരം: സോളാര്‍ വച്ചിട്ടും ഉയർന്ന വൈദ്യുതി ബിൽ വന്നതുമായി ബന്ധപ്പെട്ട് മുൻ‌ ഡിജിപി ആർ ശ്രീലേഖ ഉന്നയിച്ച ആരോപണങ്ങൾ അബദ്ധമെന്ന് വൈദ്യുതി മന്ത്രി കെ കൃഷ്ണൻകുട്ടി. അമിത ബില്ല് കെഎസ്ഇബി നൽകിയിട്ടില്ലെന്നും മന്ത്രി പറഞ്ഞു. ഇക്കാര്യത്തിൽ ശ്രീലേഖയുമായി പരസ്യ സംവാദത്തിന് കെഎസ്ഇബി തയാറാണ്. കാര്യങ്ങൾ വിശദീകരിക്കാൻ കെഎസ്ഇബി ചെയർമാനെ അയക്കാം. ഉയർന്ന ഉദ്യോഗസ്ഥയായി പ്രവർത്തിച്ച ശ്രീലേഖ ബന്ധപ്പെട്ട് ഉദ്യോഗസ്ഥനെ വിളിച്ച് കാര്യങ്ങൾ ചോദിക്കണമായിരുന്നു. പ്രശ്നപരിഹരത്തിന് പകരം സമൂഹ മാധ്യമങ്ങളിൽ പ്രതികരിച്ചത് ശരിയായില്ലെന്നും കെ കൃഷ്ണൻകുട്ടി ന്യൂസ് 18നോട് പറഞ്ഞു.