മനുഷ്യത്വരഹിതമായ പ്രവൃത്തി, ലേബർ ഓഫീസറുടെ റിപ്പോർട്ട് കിട്ടിയാൽ ഉടൻ നടപടി; വി ശിവൻകുട്ടി

തിരുവനന്തപുരം: കൊച്ചി ആസ്ഥാനമായി പ്രവർത്തിക്കുന്ന സ്ഥാപനത്തിൽ ഉണ്ടായ തൊഴിൽ പീഡനം അനുവദിക്കാൻ സാധിക്കില്ലെന്ന് മന്ത്രി വി. ശിവൻകുട്ടി. ഇത് തൊഴിലാളി വിരുദ്ധ സമീപനമാണ്, കമ്പനിയുടെ ഭാഗത്തുനിന്നുണ്ടായത് ലജ്ജിപ്പിക്കുന്ന പ്രവർത്തനമാണെന്നും അദ്ദേഹം കൂട്ടിച്ചേർത്തു. ടാർഗറ്റ് കൈവരിക്കാഞ്ഞാൽ തൊഴിലാളികളോട് മനുഷ്യത്വ രഹിതമായ പ്രവർത്തനമാണ് അവർക്കു ചെയ്യുന്നത്. ശക്തമായ തൊഴിൽ നിയമം നടപ്പിലാക്കിയിരിക്കുന്ന കേരളത്തിൽ ഇത് അനുവദിക്കാനാകില്ല. ജില്ല ലേബർ ഓഫീസറോട് അന്വേഷിക്കാൻ നിർദ്ദേശം നൽകിയിട്ടുണ്ട്, വേഗത്തിൽ റിപ്പോർട്ട് സമർപ്പിക്കാനും ആവശ്യപ്പെട്ടിട്ടുണ്ട്. റിപ്പോർട്ട് ലഭിച്ചതിന് ശേഷം ഉടൻ നടപടിയുണ്ടാകുമെന്നും മന്ത്രി വ്യക്തമാക്കി.