V Sivankutty | SSLC, പ്ലസ് ടു പരീക്ഷകള്ക്ക് മാറ്റമില്ല; മാര്ഗരേഖ പുതുക്കും; മന്ത്രി വി ശിവന്കുട്ടി
- Published by:Jayesh Krishnan
- news18-malayalam
Last Updated:
കുട്ടികളുടെ കാര്യത്തില് റിസ്ക് എടുക്കാനാകില്ലെന്ന് മന്ത്രി പറഞ്ഞു.
തിരുവനന്തപുരം: സംസ്ഥാനത്തെ എസ് എസ് എല് സി, ഹയര്സെക്കന്ഡറി പപരീക്ഷകള്ക്ക് മാറ്റമുണ്ടാകില്ലെന്ന് വിദ്യാഭ്യാസ വകുപ്പ് മന്ത്രി വി ശിവന്കുട്ടി. 10,11,12 ക്ലാസുകള് സ്കൂളുകളില് തന്നെ തുടരുന്ന സാഹചര്യത്തില് ഇപ്പോഴുള്ള കോവിഡ് മാര്ഗരേഖാ നിര്ദ്ദേശങ്ങള് പരിഷ്കരിക്കുമെന്നും മന്ത്രി അറിയിച്ചു. 21 മുതല് സംസ്ഥാനത്തെ എല്ലാ സ്കൂളുകളിലും ഒന്പത് വരെ ക്ലാസുകളിലെ കുട്ടികള്ക്ക് ഓഫ്ലൈന് ക്ലാസ് ഉണ്ടാകില്ല.
കുട്ടികളുടെ കാര്യത്തില് റിസ്ക് എടുക്കാനാകില്ലെന്ന് മന്ത്രി പറഞ്ഞു. തിങ്കളാഴ്ച ഉന്നതതല യോഗം ചേര്ന്ന് 10,11,12 ക്ലാസുകള്ക്ക് വേണ്ട കൊവിഡ് മുന്കരുതല് നിര്ദ്ദേശങ്ങളും ഇനി സ്കൂള് തുറക്കുമ്പോള് വേണ്ട തയാറെടുപ്പുകളും ചര്ച്ച ചെയ്യും.
വിക്റ്റേഴ്സ് ചാനല് വഴി ഓണ്ലൈന്, ഡിജിറ്റല് ക്ലാസുകള് പുതിയ ടൈംബിളനുസരിച്ച് നടത്തും. ഇതിനായി ടൈം ടേബിള് പുനക്രമീകരിക്കും. വിദ്യാര്ത്ഥികള്ക്ക് രോഗം ബാധിച്ച ശേഷം സ്കൂളുകള് അടക്കുന്നതിനേക്കാള് നന്നത് അവര്ക്ക് രോഗം വരാതെ നോക്കുകയാണെന്ന് മന്ത്രി വ്യക്തമാക്കി.
advertisement
വിദ്യാര്ഥികളുടെ വാക്സിനേഷന് പകുതിയോളം പൂര്ത്തിയായി. മറ്റുകുട്ടികള്ക്കും സ്കൂളുകളില് വെച്ച് തന്നെ വളരെ വേഗത്തില് വാക്സീന് നല്കുമെന്നും മന്ത്രി അറിയിച്ചു. കോവിഡ് കേസുകള് ഉയരുന്ന സാഹചര്യത്തിലാണ് സംസ്ഥാനത്തെ സ്കൂളുകള് ഭാഗികമായി അടയ്ക്കാന് തീരുമാനിച്ചത്.
സ്കൂളുകളും കോളേജുകളും അടക്കമുള്ള എല്ലാ സ്ഥാപനങ്ങളും കോവിഡ് വ്യാപനം രൂക്ഷമാവുകയോ കൂടുതല് രോഗികളുണ്ടെന്ന് കണ്ടെത്തുകയോ ചെയ്താല് അടച്ചിടാന് മേലധികാരികള്ക്ക് തീരുമാനിക്കാം. സര്ക്കാര് പരിപാടികള് പരമാവധി ഓണ്ലൈന് ആക്കാനും തീരുമാനമായിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 15, 2022 9:18 AM IST
മലയാളം വാർത്തകൾ/ വാർത്ത/Kerala/
V Sivankutty | SSLC, പ്ലസ് ടു പരീക്ഷകള്ക്ക് മാറ്റമില്ല; മാര്ഗരേഖ പുതുക്കും; മന്ത്രി വി ശിവന്കുട്ടി
