'ഗവര്‍ണര്‍ പരിണിത പ്രജ്ഞനായ വ്യക്തിയല്ല'; സ്പീക്കർ ഷംസീറിനെ തള്ളി മന്ത്രി വി ശിവന്‍കുട്ടി

തിരുവനന്തപുരം: ഗവർണർ ആരിഫ് മുഹമ്മദ് ഖാൻ 'പരിണിത പ്രജ്ഞനായ' വ്യക്തിയല്ലെന്ന് മന്ത്രി ശിവൻകുട്ടി. ഗവര്‍ണര്‍ 'പരിണിത പ്രജ്ഞനാ'ണെന്ന് സ്പീക്കര്‍ എഎന്‍ ഷംസീര്‍ ഇന്നലെ അഭിപ്രായപ്പെട്ടിരുന്നു. ഇതിന് പിന്നാലെയാണ് ഷംസീറിനെ തള്ളി ശിവന്‍കുട്ടിയുടെ പ്രസ്താവന. വാക്ക് കൊണ്ടും പ്രവൃത്തി കൊണ്ടും ഗവർണർ 'പരിണിതപ്രജ്ഞനാ'യ വ്യക്തിയല്ലെന്നും സംസ്കാരമുള്ള ഒരാളുടെ വായിൽ നിന്ന് വരുന്ന പ്രയോഗങ്ങളല്ല ഗവർണറിൽ നിന്നുണ്ടാകുന്നതെന്നും മന്ത്രി പറഞ്ഞു. ഫേസ്ബുക്കിലൂടെയായിരുന്നു മന്ത്രിയുടെ പ്രതികരണം.