സുരേഷ് ഗോപിയുടെ ആംബുലൻസ് യാത്ര ചട്ടവിരുദ്ധമോ? മോട്ടോർവാഹന വകുപ്പ് അന്വേഷിക്കും
- Published by:Rajesh V
- news18-malayalam
Last Updated:
ചികിത്സാ ആവശ്യങ്ങള്ക്ക് ഉപയോഗിക്കേണ്ട ആംബുലന്സ് മറ്റാവശ്യത്തിന് ഉപയോഗിച്ചെന്ന് കാണിച്ച് അഭിഭാഷകനായ കെ സന്തോഷ് കുമാറാണ് സുരേഷ് ഗോപിക്കെതിരേ പരാതി നല്കിയത്
തൃശൂര് പൂരദിവസത്തെ സുരേഷ് ഗോപിയുടെ ആംബുലന്സ് യാത്രയില് അന്വേഷണം. തൃശൂര് റീജിയണല് ട്രാന്സ്പോര്ട്ട് എന്ഫോഴ്സ്മെന്റ് ഓഫീസര്ക്കാണ് അന്വേഷണ ചുമതല. ചട്ടവിരുദ്ധമായി സുരേഷ് ഗോപി ആംബുലന്സ് ഉപയോഗിച്ചെന്ന പരാതിയിലാണ് അന്വേഷണം. ചികിത്സാ ആവശ്യങ്ങള്ക്ക് ഉപയോഗിക്കേണ്ട ആംബുലന്സ് മറ്റാവശ്യത്തിന് ഉപയോഗിച്ചെന്ന് കാണിച്ച് അഭിഭാഷകനായ കെ സന്തോഷ് കുമാറാണ് സുരേഷ് ഗോപിക്കെതിരേ പരാതി നല്കിയത്. മുഖ്യമന്ത്രിക്കും ഗതാഗതമന്ത്രിക്കും ട്രാന്സ്പോര്ട്ട് കമ്മീഷണര്ക്കും പരാതി നല്കി.
തൃശൂര്പൂര ദിവസം തിരുവമ്പാടി വിഭാഗം പൂരം നിര്ത്തിവെച്ചതിനുപിന്നാലെ പ്രശ്നപരിഹാരത്തിന് സുരേഷ് ഗോപി സേവാഭാരതിയുടെ ആംബുലന്സിലാണ് വന്നിറങ്ങിയത്. മറ്റുവാഹനങ്ങള്ക്കു പ്രവേശനമില്ലാത്ത മേഖലയിലേക്കാണ് ആംബുലന്സില് സുരേഷ് ഗോപി എത്തിയത്. ആരോഗ്യപ്രശ്നം കാരണമാണ് ആംബുലന്സ് ഉപയോഗിച്ചതെന്നാണ് ബിജെപി നേതാക്കള് പറയുന്നത്. ഇതിന് പിന്നിലെ ഗൂഢാലോചന പുറത്തുകൊണ്ടുവരണമെന്ന് എല്ഡിഎഫ് സ്ഥാനാർത്ഥി വി എസ് സുനില്കുമാര് തുടക്കത്തിലേ ആവശ്യപ്പെട്ടിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thrissur,Thrissur,Kerala
First Published :
October 14, 2024 3:48 PM IST
മലയാളം വാർത്തകൾ/ വാർത്ത/Kerala/
സുരേഷ് ഗോപിയുടെ ആംബുലൻസ് യാത്ര ചട്ടവിരുദ്ധമോ? മോട്ടോർവാഹന വകുപ്പ് അന്വേഷിക്കും
