'ഇഡിക്കെതിരെ പൊലീസില്‍ പരാതി നല്‍കിയതിന്റെ പ്രതികാരമാണ് അരവിന്ദാക്ഷന്റെ അറസ്റ്റ്'; എംവി ഗോവിന്ദന്‍

‘നിരവധി തവണ ചോദ്യം ചെയ്ത വിട്ടയച്ചതാണ്. ശക്തിയായി ഭീഷണിപ്പെടുത്തിയ ശേഷം അവർ ആവശ്യപ്പെട്ട മൊഴി നൽകിയില്ല. എസ്‌ഐ മൊയ്തീൻ പണം ചാക്കിൽക്കെട്ടി കൊണ്ടുപോകുന്നത് കണ്ട് പറഞ്ഞു. അതിന് തയ്യാറാകാതെ വന്നപ്പോൾ അരവിന്ദാക്ഷനെ മർദിച്ചു. അക്കാര്യം പുറത്ത് പറഞ്ഞതിനും പോലീസിൽ പരാതി നൽകിയതിനും ഐഡി അരവിന്ദാക്ഷനെ വേട്ടയാടുകയാണ്’ – ഗോവിന്ദൻ പറഞ്ഞു.

‘കേന്ദ്ര ഏജന്‍സി എന്ന രീതിയില്‍ പാര്‍ട്ടിയിലേക്ക് എത്താന്‍ വേണ്ടി ആരെയൊക്കെയാണോ അവര്‍ക്ക് ആവശ്യമുണ്ടാകുക അവരെ എല്ലാ എത്തിക്കുന്ന നിലപാടാണ് സ്വീകരിക്കുന്നത്. ഒരു ന്യായമായ സമീപനവുമല്ല. തികച്ചും തെറ്റായ നിലപാടാണ് സ്വീകരിക്കുന്നത്. സഹകരണമേഖലയെ തകര്‍ക്കുന്നതിനുവേണ്ടിയുള്ള ബോധപൂര്‍വമായ ശ്രമം ഏജന്‍സിയെ ഉപയോഗിച്ച് നടത്തുകയാണ്. അതിന് വഴങ്ങാന്‍ പാര്‍ട്ടിക്ക് മനസില്ല’ – ഗോവിന്ദന്‍ പറഞ്ഞു.