Tanur boat tragedy | താനൂർ ബോട്ട് അപകടം: ബോട്ട് ഉടമ നാസറിന് മേൽ കൂടുതൽ കുറ്റങ്ങൾ ചുമത്തിയേക്കും

താനൂരിൽ അപകടത്തിൽപെട്ട അറ്റ്ലാൻ്റിസ് ബോട്ട് ഉടമ പി. നാസറിന് മേൽ കൂടുതൽ കുറ്റങ്ങൾ ചുമത്താൻ പോലീസ് നീക്കം. കഴിഞ്ഞ ദിവസം കോഴിക്കോട് നിന്നാണ് ഇയാളെ മലപ്പുറം എസ്.പിയുടെ പ്രത്യേക സംഘം പിടികൂടിയത്. അപകടം നടന്ന ഉടൻ നാസർ രാജ്യം വിടാൻ തയ്യാറെടുത്തതായി പോലീസ് പറഞ്ഞു. പക്ഷേ ഇത് മുൻകൂട്ടിക്കണ്ട് കോഴിക്കോട്, കൊച്ചി, കോയമ്പത്തൂർ വിമാനത്താവളങ്ങളിൽ പോലീസ് അറിയിപ്പ് നൽകിയിരുന്നു. തുടർന്ന് കൊച്ചിയിൽ വച്ച് അഭിഭാഷകനെ കണ്ട് മടങ്ങുകയായിരുന്ന ഇയാളുടെ സഹോദരനെ പിടികൂടുക കൂടി ചെയ്തതോടെ പോലീസിന് ഇയാളിലേക്ക് വേഗത്തിലെത്താൻ കഴിഞ്ഞു.