പൊലീസിന് നന്ദി അറിയിച്ച് കന്യാസ്ത്രീയുടെ കുടുംബം

കോട്ടയം: കന്യാസ്ത്രീയെ പീഡിപ്പിച്ച കേസിൽ ജലന്ധർ ബിഷപ്പായിരുന്ന ഫ്രാങ്കോ മുളയ്ക്കലിനെ അറസ്റ്റ് ചെയ്തതിൽ കന്യാസ്ത്രീയുടെ കുടുംബം പൊലീസിന് നന്ദി അറിയിച്ചു. ഫ്രാങ്കോ മുളയ്ക്കലിന്‍റെ അറസ്റ്റിൽ സന്തോഷമുണ്ടെന്ന് കന്യാസ്ത്രീയുടെ കുടുംബം അറിയിച്ചു. അന്വേഷണ ഉദ്യോഗസ്ഥർ നീതി പൂർവം പ്രവർത്തിച്ചു. അതിന്റെ ഫലമാണ് അറസ്റ്റ്. സഭ നീതി നിഷേധിച്ചതിനാലാണ് തങ്ങൾക്ക് തെരുവിൽ ഇറങ്ങേണ്ടി വന്നത്. ഇത് ഇപ്പോഴും വേദനിപ്പിക്കുന്നുവെന്ന് കന്യാസ്ത്രീയുടെ കുടുംബം പ്രതികരിച്ചു.