HOME » NEWS » Kerala » ONE MISSING IN THIRUVANANTHAPURAM MUTHALAPPOZHY 1 AR TV

ചിറയിൻകീഴ് മുതലപ്പൊഴിയിൽ വീണ്ടും അപകടം; വള്ളം മറിഞ്ഞ് ഒരാളെ കാണാതായി

ക്രിസ്റ്റിൻ രാജിനെ കണ്ടെത്താനുള്ള ശ്രമം തുടരുകയാണ്.  അഞ്ചുതെങ്ങ് കോസ്റ്റൽ പൊലീസിന്റെയും വിഴിഞ്ഞം മറൈൻ എൻഫോഴ്സ്മെന്റിന്റെയും ബോട്ടും നാട്ടുകാരുമാണ് തെരച്ചിൽ നടത്തുന്നത്.

News18 Malayalam | news18-malayalam
Updated: June 18, 2021, 12:08 PM IST
ചിറയിൻകീഴ് മുതലപ്പൊഴിയിൽ വീണ്ടും അപകടം; വള്ളം മറിഞ്ഞ് ഒരാളെ കാണാതായി
Christin_Muthalappozhi
  • Share this:
തിരുവനന്തപുരം : പെരുമാതുറ മുതലപ്പൊഴിയിൽ വീണ്ടും വള്ളം മറിഞ്ഞ് അപകടം. മുതലപ്പൊഴി ഹാർബറിൽ മത്സ്യബന്ധനത്തിന് പോയ വള്ളം ശക്തമായ തിരയിൽപ്പെട്ട് മറിഞ്ഞ് ഒരാളെ കാണാതായി. മരിയനാട് ആർത്തിയിൽ പുരയിടത്തിൽ സ്‌റ്റീഫൻ്റെ മകൻ ക്രിസ്റ്റിൻ രാജി (19) നെയാണ് കാണാതായത്. ഇന്ന് രാവിലെ അഞ്ചു മണിയോടെയായിരുന്നു അപകടം.

പുതുക്കുറുച്ചി സ്വദേശി ജാഫർഖാന്റെ വള്ളത്തിലാണ് ക്രിസ്റ്റിൻ രാജും മറ്റു മൂന്നു പേരും മത്സ്യ ബന്ധനത്തിന് പുറപ്പെട്ടത്.   ഹാർബറിന്റെ പ്രവേശന കവാടത്തിൽ വച്ച് ശക്തമായ തിരയിൽപ്പെട്ട് വള്ളം മറിയുകയായിരുന്നു.

വള്ളത്തിലുണ്ടായിരുന്ന മറ്റു മൂന്നു പേരും നീന്തി രക്ഷപ്പെട്ടു.  സംഘത്തിലുണ്ടായിരുന്ന അൻസാരിയെ പരിക്കുകളോടെ മെഡിക്കൽ കോളേജ്  ആശുപത്രിയിൽ പ്രവേശിപ്പിച്ചു. എന്നാൽ ക്രിസ്റ്റിൻ രാജ് ശക്തമായ തിരമാലകളിൽ പെട്ടു പോകുകയായിരുന്നു. ക്രിസ്റ്റിൻ രാജിനെ കണ്ടെത്താനുള്ള ശ്രമം തുടരുകയാണ്.  അഞ്ചുതെങ്ങ് കോസ്റ്റൽ പൊലീസിന്റെയും വിഴിഞ്ഞം മറൈൻ എൻഫോഴ്സ്മെന്റിന്റെയും ബോട്ടും നാട്ടുകാരുമാണ് തെരച്ചിൽ നടത്തുന്നത്.

Also Read- പ്രധാനമന്ത്രി പരാമർശിച്ച കുമരകത്തെ രാജപ്പന്റെ പണം ബന്ധുക്കൾ തട്ടിയെടുത്തെന്ന് പരാതി

രണ്ടാഴ്ച മുമ്പ് ഷാജു എന്ന മത്സ്യത്തൊഴിലാളി മുതലപ്പൊഴിയിൽ വള്ളം മറിഞ്ഞു മരണപ്പെട്ടിരുന്നു. അഞ്ചുതെങ്ങ് സ്വദേശിയായ ഷാജുവിന് 35 വയസ് ആയിരുന്നു. വള്ളം മറിഞ്ഞാണ് ഇദ്ദേഹം അപകടത്തിൽപ്പെട്ടത്.

അതിനിടെ തിരുവനന്തപുരം അ​ഞ്ചു​തെ​ങ്ങ് ക​ട​പ്പു​റ​ത്ത് ക​ട​ലി​ല്‍ കാ​ണാ​താ​യ അ​ഞ്ചു വ​യ​സ്സു​കാ​ര​ന്‍റെ മൃ​ത​ദേ​ഹം വെ​ട്ടു​തു​റ​യി​ല്‍ തീരത്ത് അടിഞ്ഞു. അ​ഞ്ചു​തെ​ങ്ങ് ഒ​ന്നാം പാ​ലം കൂ​ട്ടി​ല്‍ വീ​ട്ടി​ല്‍ അ​ഞ്ചു​വ​യ​സ്സു​ള്ള മു​ഹ​മ്മ​ദ് ഷ​ഹ​ബാ​സി​െന്‍റ മൃ​ത​ദേ​ഹ​മാ​ണ് വ്യാഴാഴ്ചയോടെ തീരത്ത് അടിഞ്ഞത്. ക​ഠി​നം​കു​ളം വെ​ട്ടു​തു​റ ക​ട​ല്‍​ക്ക​ര​യി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

ചൊ​വ്വാ​ഴ്ച വൈ​കീ​ട്ട് മൂന്നരയോടെ വീ​ടി​നു സ​മീ​പ​ത്തെ ക​ട​പ്പു​റ​ത്ത് കു​ട്ടി​ക​ള്‍​ക്കൊ​പ്പം ക​ളി​ച്ചു​കൊ​ണ്ടി​രി​ക്കെ​യാ​ണ് കു​ട്ടി​യെ ക​ട​ലി​ല്‍ കാ​ണാ​താ​യ​ത്. തു​ട​ര്‍​ന്ന്, അ​ഞ്ചു​തെ​ങ്ങ് പൊ​ലീ​സും കോ​സ്​​റ്റ​ല്‍ പൊ​ലീ​സും ഫ​യ​ര്‍​ഫോ​ഴ്സും സ്ഥ​ല​ത്തെ​ത്തി തി​ര​ച്ചി​ല്‍ ന​ട​ത്തി​യെ​ങ്കി​ലും കു​ട്ടി​യെ ക​ണ്ടെ​ത്താ​ന്‍ ക​ഴി​ഞ്ഞി​രു​ന്നി​ല്ല.
മ​ത്സ്യ​ത്തൊ​ഴി​ലാ​ളി​ക​ളും തി​ര​ച്ചി​ല്‍ ന​ട​ത്തി​യി​രു​ന്നു. വ്യാ​ഴാ​ഴ്ച വെ​ട്ടു​തു​റ തീ​ര​ത്താ​ണ് മൃ​ത​ദേ​ഹം ക​ണ്ടെ​ത്തി​യ​ത്.
Published by: Anuraj GR
First published: June 18, 2021, 12:06 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories