'സ്പ്രിംങ്ക്ളറിൽ സംശയങ്ങൾ നിലനിൽക്കുന്നു'; മുഖ്യമന്ത്രി മറുപടി പറയണമെന്ന് ഉമ്മൻചാണ്ടി

ബിസിനസ് റൂൾസ് പ്രകാരം നിയമ വകുപ്പ് കരാർ കാര്യങ്ങൾ അറിയേണ്ടതാണെന്ന് ഉമ്മൻചാണ്ടി പറഞ്ഞു. സൗജന്യ സേവനത്തിന്റെ കാര്യത്തിലും അവ്യക്തതകളുണ്ട്. ഇത്തരമൊരു കരാറിന് കേന്ദ്ര അനുമതിയില്ല. മന്ത്രിസഭ അറിഞ്ഞിട്ടില്ല, ബന്ധപ്പെട്ട വകുപ്പുകൾ അറിഞ്ഞിട്ടില്ല, ന്യൂയോർക്ക് നിയമം അനുസരിച്ചുള്ള കരാറാണ്. ഇതിന് സംസ്ഥാന സർക്കാരിന് അധികാരമില്ലെന്നാണ് തന്റെ അറിവെന്ന് ഉമ്മൻചാണ്ടി പറഞ്ഞു.

പുറത്തു വന്ന കാര്യങ്ങൾ സംശയങ്ങൾ വർധിപ്പിക്കുന്നതാണെന്ന് ഉമ്മൻചാണ്ടി പറഞ്ഞു. ഇത് ദൂരീകരിക്കണം. മുഖ്യമന്ത്രി മറുപടി പറയണം. പ്രളയ കാലത്ത് കമ്പനിയുടെ റോൾ എന്തായിരുന്നുവെന്നും ഉമ്മൻചാണ്ടി ചോദിച്ചു.