COVID 19| രണ്ട് മരണം കൂടി; യുഎഇയിൽ 460 പേർക്ക് കൂടി രോഗം സ്ഥിരീകരിച്ചു
- Published by:Rajesh V
- news18-malayalam
Last Updated:
Corona in UAE | ആകെ മരിച്ചവരുടെ എണ്ണം 35 ആയി
അബുദാബി: യുഎഇയിൽ 460 പേർക്ക് കൂടി പുതിയതായി കോവിഡ് 19 സ്ഥിരീകരിച്ചു. ഇതോടെ ആകെ രോഗം ബാധിച്ചവരുടെ എണ്ണം 5825 ആയി. ഇതിൽ 1095 പേർക്ക് രോഗം ഭേദമായെന്നും ആരോഗ്യമന്ത്രാലയം അറിയിച്ചു.
രോഗം ബാധിച്ച് ചികിത്സയിലായിരുന്ന രണ്ട് ഏഷ്യൻ വംശജർ ഇന്നലെ മരിച്ചു. ഇതോടെ ആകെ മരിച്ചവരുടെ എണ്ണം 35 ആയി. ഇന്നലെ മാത്രം 61 പേർക്ക് രോഗം ഭേദമായി.
You may also like:ജോലിക്ക് കിട്ടിയ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക്; മാതൃകയായി മലപ്പുറത്തെ അതിഥി തൊഴിലാളികൾ [PHOTOS]കുവൈറ്റിൽ പൊതുമാപ്പ് ലഭിച്ച് മടങ്ങുന്നവർക്കു എമർജൻസി സർട്ടിഫിക്കറ്റുകൾ സൗജന്യം; പ്രഖ്യാപനവുമായി കേന്ദ്രമന്ത്രി വി മുരളീധരൻ [NEWS]നാല് ജില്ലകളിൽ കർശന നിയന്ത്രണം തുടരും; ജില്ലകളെ നാലായി തിരിക്കും [PHOTO]
പ്രതിദിനം ഏഴായിരത്തിലധികം പേരെ പരിശോധനക്ക് വിധേയമാക്കുകയാണെന്ന് അധികൃതർ അറിയിച്ചു. പതിനായിരം പേരെ ദിനംപ്രതി പരിശോധിക്കാനുള്ള സൗകര്യമാണ് രാജ്യത്തുള്ളതെന്നും മന്ത്രാലയം അറിയിച്ചു. ഇതിനിടെ, കോവിഡ് രോഗികളിൽ പ്ലാസ്മ ചികിത്സ പരീക്ഷണാർത്ഥം ആരംഭിച്ചു.
advertisement
ഇതിനിടെ, സൗദി അറേബ്യയിൽ കോവിഡ് ബാധിച്ച് വ്യാഴാഴ്ച നാലുപേർ കൂടി മരിച്ചു. ഇതോടെ രാജ്യത്തെ മരണസംഖ്യ 83 ആയി. പുതിയതായി 518 പേരിലാണ് രോഗബാധ സ്ഥിരീകരിച്ചത്. ആകെ വൈറസ് ബാധിതരുടെ എണ്ണം ഇതോടെ 6380 ആയി. മക്കയിലും മദീനയിലും ജിദ്ദയിലും തന്നെയാണ് തുടർച്ചയായി മരണ നിരക്ക് ഉയരുന്നത്.
Location :
First Published :
Apr 17, 2020 7:54 AM IST
