ഉമ്മൻചാണ്ടിയുടെ വീഡിയോ പുറത്തിറക്കിയത് ഗതികേട് കൊണ്ടെന്ന് മകൻ ചാണ്ടി ഉമ്മൻ

ഏഴെട്ടു വർഷമായി അദ്ദേഹത്തിന്റെ തൊണ്ടയ്ക്ക് പ്രശ്നമുണ്ട്. അസ്വാസ്ഥ്യം വന്നും പോയും ഇരിക്കുന്നു. ആദ്യം കാൻസറാണെന്നാണ് ഡോക്ടർമാർ പറഞ്ഞത്. പിന്നീട് ലൂക്കോ പ്ലാക്കിയ ആണെന്നു പറഞ്ഞു. പിന്നീട് കരോട്ടിസിസ് ആണെന്നാണ് പറഞ്ഞത്. ബയോപ്‌സി ചെയ്തപ്പോൾ ക്യാൻസറാണെന്ന് പറഞ്ഞു. എന്നാൽ പിന്നീട് കാൻസറിന്റെ ലക്ഷണങ്ങൾ ഇല്ലെന്നു കണ്ടു. ജർമനിയിൽ ചികിത്സയ്ക്കു പോയപ്പോൾ ട്യൂമർ ഇല്ലെന്ന റിപ്പോർട്ട് തന്നെന്നും ചാണ്ടി ഉമ്മൻ പറഞ്ഞു

2019-ൽ അമേരിക്കയിൽ ചികിത്സയ്ക്കു പോയി. ജർമനിയിൽ പിന്നീട് ചികിത്സയ്ക്കു പോയി. ജർമനിയിൽ താനാണ് ചികിത്സയ്ക്ക് ഒപ്പം പോയത്. ഇത്തവണ വീണ്ടും ജർമനിയിൽ പോയി. താനാണ് ജർമനിയിലേക്ക് പോകാമെന്ന് പറഞ്ഞത്. അവിടെ വെച്ച് ലേസർ ശസ്ത്രക്രിയ നടത്തി. അസുഖം ഭേദമാകാൻ മരുന്നും പ്രാർഥനയുമുണ്ടെന്നും ചാണ്ടി ഉമ്മൻ.