'മനസ്സാക്ഷിയില്ലാത്ത സര്‍ക്കാരാണ് കേരളം ഭരിക്കുന്നത്; സതിയമ്മയെ ഞങ്ങള്‍ വഴിയാധാരമാക്കില്ല'; വി.ഡി. സതീശന്‍

കുടുംബത്തിനു ഒരു ആവശ്യം വന്നപ്പോൾ സഹായിച്ചു എന്ന് പറയുന്നത് എങ്ങനെ ഒരു തെറ്റ് ആകുന്നതെന്നും ഗുരുതരമായി തെറ്റായി കണ്ട് ജോലിയിൽ നിന്ന് പിരിച്ചുവിടാനുളള മനസ്സാക്ഷിയില്ലാത്ത സർക്കാരാണ് കേരളം ഭരിക്കുന്നതെന്ന് സതീശന്‍ പറഞ്ഞു. ഈ വരുമാനം കൊണ്ടാണ് ആ കുടുംബം മുന്നോട്ട് പോകുന്നത്. അതാണ് രാഷ്ട്രീയമായ വിരോധത്തിന്റെയും അസഹിഷ്ണുതയുടെയും പേരില്‍ കളഞ്ഞതെന്ന് പ്രതിപക്ഷ നേതാവ് കൂട്ടിച്ചേർത്തു. ഒരു ദയയും ഇല്ലാത്ത സര്‍ക്കാരാണ് ഭരിക്കുന്നതെന്നോര്‍ത്ത് ഈ നാട് അപമാന ഭാരത്താല്‍ തലകുനിച്ച് നില്‍ക്കുകയാണെന്നും സതി അമ്മയെ ജോലിയില്‍ പ്രവേശിപ്പിക്കാൻ തയാറാവണമെന്ന് സതീശന്‍ ആവശ്യപ്പെട്ടു.