'കെ മുരളീധരനെ കാലുവാരി തോൽപ്പിച്ചേക്കാം; കോൺ​ഗ്രസുകാരെ വിശ്വസിച്ചത് രാഷ്ട്രീയ മണ്ടത്തരം': പത്മജ വേണു​ഗോപാൽ

"കെ മുരളീധരനെതിരെ പ്രചാരണത്തിന് ബിജെപി തന്നെ നിയോ​ഗിക്കില്ല. മുരളിയേട്ടന് വെറെ നിലനിൽപ്പില്ല. അദ്ദേഹം എവിടെ പോകും. അല്ലെങ്കിൽ രാഷ്ട്രീയം അവസാനിപ്പിച്ച് വീട്ടിലിരിക്കണം. അതുകൊണ്ട് മാത്രമാണ് മത്സരിക്കുന്നത്. ഇതിൽ കോൺ​ഗ്രസുകാർ അദ്ദേഹത്തെ കാല് വാരുമെന്നാണ് സംശയം. കോൺ​ഗ്രസ് പാർട്ടി ആയതുകൊണ്ടാണ് എനിക്ക് അങ്ങനെ തോന്നുന്നത്. അദ്ദേഹത്തെ അവർ എന്ത് ചെയ്യുമെന്ന് ഒരു സഹോദരി എന്ന നിലയിൽ തനിക്ക് തോന്നാറുണ്ടെന്നും" പത്മജ പറഞ്ഞു.

ഒരു കോക്കസിന്റെ കയ്യിലാണ് പാർട്ടി. ആ കോക്കസ് തീരുമാനിക്കുന്ന കാര്യങ്ങൾ മാത്രമേ അവിടെ നടക്കുകയുള്ളൂ. സ്ഥാനാർത്ഥിനിർണയത്തിലും അതൊക്കെയാണ് നടന്നത്. ഞാൻ സ്ഥാനാർത്ഥിയായിരിക്കുമ്പോൾ ഒന്നും പറയില്ല. തിരഞ്ഞെടുപ്പ് കഴിയുമ്പോൾ എന്താണ് ഇവിടെ നടന്നതെന്ന് താൻ പറയുമെന്നും പത്മജ പ്രതികരിച്ചു.