Palakkad Bus Accident Live | വിനോദയാത്ര വിലാപയാത്രയായ 5 മണിക്കൂർ; സ്കൂളിൽ നിന്നും പുറപ്പെട്ടത് വൈകിട്ട് 7 മണിയോടെ; അപകടം രാത്രി 11.45 ന്

അപകടത്തിൽപ്പെട്ട ബസ് ബ്ലാക്ക് ലിസ്റ്റിൽപ്പെട്ട വാഹനം. വാഹനത്തിനെതിരെനിലവിൽ 5 കേസുകളുണ്ട്

  • News18 Malayalam
  • | October 06, 2022, 11:23 IST
    facebookTwitterLinkedin
    LAST UPDATED 2 MONTHS AGO

    AUTO-REFRESH

    HIGHLIGHTS

    13:58 (IST)

    പാലക്കാട് വടക്കഞ്ചേരിയിൽ അപകടത്തിൽപ്പെട്ട ടൂറിസ്റ്റ് ബസ് 97 കിലോ മീറ്റർ വേഗതയിലാണ് സഞ്ചരിച്ചതെന്ന് എൻഫോഴ്സ്മെൻറ് ആർടിഒ ജയേഷ്. ദേശീയപാതയിലെ പരമാവധി വേഗത 70 കിലോമീറ്ററാണെന്നും ആർടിഒ വ്യക്തമാക്കി

    11:59 (IST)

    വടക്കഞ്ചേരിയില്‍ അപകടമുണ്ടാക്കിയ ബസ്സിന് ഫിറ്റ്‌നസ് സര്‍ട്ടിഫിക്കറ്റ് നല്‍കിയത് ആരാണെന്ന് കോടതി

    11:58 (IST)

    വടക്കഞ്ചേരി ബസ് അപകടത്തില്‍ സ്വമേധയാ കേസെടുത്ത് ഹൈക്കോടതി. ഇന്ന് മുതൽ ഒരു വാഹനത്തിലും ഫ്ലാഷ് ലൈറ്റും നിരോധിത എയർഹോണും ഉപയോഗിക്കാൻ പാടില്ലെന്ന് ഹൈക്കോടതി കർശന നിർദേശം നൽകി. ഫ്ലാഷ് ലൈറ്റും നിരോധിത എയർഹോണും ഉപയോഗിക്കുന്ന വാഹനങ്ങൾ പിടിച്ചെടുക്കണമെന്നും ഹൈക്കോടതി മുന്നറിയിപ്പ് 

    11:40 (IST)

    ആലത്തൂർ താലൂക്ക് ആശുപത്രിയിൽ 

    സക്കൂൾ വിദ്യാർത്ഥികളായ എൽനാ ജോസ്, ക്രിസ് വിൻറർ ബോൺ തോമസ്, അധ്യാപകൻ വിഷ്ണു, 

    KSRTC യാത്രക്കാരായ തൃശൂർ നടത്തറ സ്വദേശി രോഹിത്, കൊല്ലം പുനലൂർ സ്വദേശി ദീപു എന്നിവരുടെ പോസ്റ്റ്മോർട്ടം നടക്കും

    11:38 (IST)

    ചികിത്സയ്ക്കായി  ഡ്രൈവറെ പൊലീസ് ആശുപത്രിയിലെത്തിച്ചിരുന്നെങ്കിലും പിന്നീട് ഇയാളെ കാണാനില്ല. ബസ് ഡ്രൈവർ ചികിത്സയ്ക്കെത്തിയത് അധ്യാപകനെന്ന വ്യാജേനയാണെന്ന വിവരവും പുറത്തുവരുന്നത്


    11:36 (IST)


    ഗുരുതരമായി പരുക്കേറ്റ നാല് പേർ തൃശൂർ മെഡ‍ിക്കൽ ആശുപത്രിയിൽ പ്രവേശിപ്പിച്ചിരിക്കുകയാണ്. മറ്റുള്ളവരുടെ പരുക്ക് സാരമുള്ളതല്ല. ഇവരെ ഉടൻ ഡിസ്ചാർജ് ചെയ്യും. അപകടസ്ഥലം മന്ത്രി എം ബി രാജേഷ് ഉൾപ്പെടെയുള്ളവർ സന്ദർശിച്ചു

    11:26 (IST)

    ടൂറിസ്റ്റ് ബസ്സിലുണ്ടായിരുന്ന അഞ്ച് വിദ്യാർത്ഥികളും ഒരു അധ്യാപകനുമാണ് മരിച്ചത്. നാല് പേരുടെ നില ഗുരുതരമാണ് 


    ഒമ്പത് പേരുടെ ജീവനെടുത്ത വടക്കഞ്ചേരി വാഹനാപകടം നടന്നത് രാത്രി 11.45ന്.  പാലക്കാട് -തൃശൂർ ദേശീയ പാതയിൽ അഞ്ചുമൂർത്തിമംഗലത്താണ് അപകടമുണ്ടായത്. എറണാകുളം മുളന്തുരുത്തി മാർ ബസേലിയോസ് വിദ്യാനികേതനിൽ നിന്ന് ഊട്ടിയിലേക്ക് വിനോദ യാത്ര പുറപ്പെട്ട ടൂറിസ്റ്റ് ബസ്സ് കൊട്ടരക്കരയിൽ നിന്ന് കോയമ്പത്തൂരിലേക്ക് പോകുകയായിരുന്നു KSRTC ബസ്സിന്റെ പിന്നിൽ ഇടിക്കുകയായിരുന്നു. ഇടിച്ച ശേഷം തൊട്ടടുത്തുള്ള ചതുപ്പിലേക്ക് ടൂറിസ്റ്റ് ബസ്സ് മറിഞ്ഞു.

    വേളാങ്കണ്ണി യാത്ര കഴിഞ്ഞെത്തിയ ഉടൻ തന്നെയാണ് ടൂറിസ്റ്റ് ബസ് വിദ്യാർഥികളുമായി വിനോദയാത്ര പുറപ്പെട്ടതെന്ന് രക്ഷിതാക്കൾ പറയുന്നു. വേളാങ്കണ്ണി യാത്രയിൽ ബസ് ഓടിച്ചിരുന്ന ഡ്രൈവർ ജോമോൻ തന്നെയാണ് സ്കൂൾ വിദ്യാർഥികളുമായുള്ള ബസും ഓടിച്ചിരുന്നത്. ഇയാൾ ക്ഷീണിതനായിരുന്നെന്ന് രക്ഷിതാക്കൾ പറയുന്നു. ബസിന്റെ രണ്ടാം ഡ്രൈവർ എൽദോയ്ക്ക് സാരമായ പരുക്കേറ്റു.
    ‌‌