മുഖ്യമന്ത്രിയുടേത് 'ബോഡി ഷെയ്മിംഗ്'; അമിത് ഷായെ വിമർശിക്കേണ്ടത് തടിയെക്കുറിച്ച് പറഞ്ഞല്ലെന്ന് ബൽറാം

തിരുവനന്തപുരം: സർക്കാരിനെ വലിച്ച് താഴെയിടുമെന്ന് പറഞ്ഞ ബി.ജെ.പി ദേശീയ അധ്യക്ഷൻ അമിത് ഷായെ വിമർശിച്ച മുഖ്യമന്ത്രി പിണറായി വിജയനെതിരെ വി.ടി ബൽറാം എം.എൽ.എ. അമിത് ഷായെ വിമർശിക്കേണ്ടത് അദ്ദേഹത്തിന്റെ തടിയെക്കുറിച്ച് പറഞ്ഞ് ബോഡി ഷെയ്‌മിംഗ് നടത്തിക്കൊണ്ടല്ല, മറിച്ച് രാഷ്ട്രീയം പറഞ്ഞ് കൊണ്ടാകണമെന്ന് അദ്ദേഹം ഫേസ്ബുക്കിലൂടെ ആവശ്യപ്പെട്ടു. കണ്ണൂർ വിമാനത്താവളത്തിൽ അമിത് ഷായ്‌ക്ക് ഇറങ്ങാൻ അനുവാദം കൊടുത്തത് എന്തിനാണെന്ന് ആദ്യം വ്യക്തമാക്കണം. മുമ്പൊരിക്കൽ തന്റെ പരാമർശത്തെ വളച്ചൊടിച്ച ഇടത് ബുദ്ധിജീവികളിൽ പലരും ഇപ്പോൾ പിണറായി വിജയന്റെ പോരാളി ഷാജി മോഡൽ പ്രകടനത്തിന് കൈടിക്കുകയാണെന്നും അദ്ദേഹം തന്റെ ഫേസ്ബുക്ക് കുറിപ്പിൽ ആരോപിച്ചു.