'മട്ടന്റെ രുചി, മരുമോന്റെ ജോലി, അദീബ് എന്ന ചെകുത്താൻ'; ബെന്യാമിൻ CPMന്റെ അടിമജീവിതം നയിക്കുന്നെന്ന് ആർ. സെൽവരാജ്

ബന്ധുനിയമന വിവാദത്തിൽ ഉൾപ്പെട്ട് കെ ടി ജലീൽ രാജി വെച്ച് പുറത്ത് പോയതോടെ ട്രോളുകളുടെ പെരുമഴയാണ്. കെ ടി ജലീലിന്റെ തന്നെ പഴയ ഫേസ്ബുക്ക് പോസ്റ്റ് മുതൽ ഇങ്ങോട്ട് പലതും ട്രോളുകൾക്കായി ഉപയോഗിക്കുകയാണ്. ഇതിനിടയിലാണ് കോൺഗ്രസ് നേതാവായ ആർ സെൽവരാജ് ഒരു ഫേസ്ബുക്ക് കുറിപ്പുമായി രംഗത്ത് എത്തിയിരിക്കുന്നത്. 2020 നവംബർ 18ന് കെ ടി ജലീൽ ഫേസ്ബുക്കിൽ പങ്കുവച്ച ഒരു ഒരു കുറിപ്പിന്റെ സ്ക്രീൻ ഷോട്ട് ആണ് അദ്ദേഹം ഫേസ്ബുക്കിൽ പോസ്റ്റ് ചെയ്തിരിക്കുന്നത്. 'നമുക്കു നാമേ പണിവതു നാകം നരകവുമതുപോലെ' എന്ന് ജലീൽ കുറിച്ചതാണ് സെൽവരാജ് പങ്കു വെച്ചിരിക്കുന്നത്.

ഇതിനൊപ്പം സെൽവരാജ് കുറിച്ച പോസ്റ്റാണ് വൈറലായിരിക്കുന്നത്. എഴുത്തുകാരൻ ബെന്യാമിന് എതിരെയാണ് സെൽവരാജിന്റെ കുറിപ്പ്. അദ്ദേഹത്തെ പോലെ നോവൽ എഴുതാനുള്ള കഴിവ് തനിക്കില്ലെന്നും എന്നാൽ, ഇന്നലെ ബെന്യാമിൻ എഴുതിയ ഒരു ഫേസ് ബുക്ക് നോവൽ ഇന്നിന്റെ പ്രസക്തിക്ക് അനുസരിച്ച് ഒന്ന് പുന:രചന നടത്താനുള്ള എളിയ ശ്രമമാണ് നടത്തുന്നതെന്നും സെൽവരാജ് വ്യക്തമാക്കുന്നു.

'ഇതായിരുന്നോ കമ്പനി കാണാനിരുന്ന യൂത്ത് ലീഗിന്റെ യുദ്ധം' 2019ലെ ജലീലിന്റെ ചോദ്യത്തിന് ഇന്ന് 'യെസ്' എന്ന മറുപടിയുമായി പി കെ ഫിറോസ്

സി പി എമ്മിന്റെ അടിമ ജീവിതം നയിക്കുന്ന ബെന്യാമിൻ ഒരു ഉളുപ്പുമില്ലാതെ ഇടുന്ന അടിമ പോസ്റ്റുകളൊക്കെ അധികം വൈകാതെ തന്നെ സെൽഫ് ഗോളുകളാകാറുണ്ടെന്നത് കൊണ്ടാണതെന്നും സെൽവരാജ് നിരീക്ഷിക്കുന്നുണ്ട്.

ആർ സെൽവരാജിന്റെ ഫേസ്ബുക്ക് പോസ്റ്റ്,

'ബെന്യാമിന്റെ പുസ്തകങ്ങൾ എനിക്ക് വലിയ ഇഷ്ടമാണ്. അതിനെക്കാൾ ഇഷ്ടമാണ് അദ്ദേഹത്തിന്റെ ഫേസ് ബുക്ക് പോസ്റ്റുകൾ. സി പി എമ്മിന്റെ അടിമ ജീവിതം നയിക്കുന്ന അദ്ദേഹം ഒരു ഉളുപ്പുമില്ലാതെ ഇടുന്ന അടിമ പോസ്റ്റുകളൊക്കെ അധികം വൈകാതെ തന്നെ സെൽഫ് ഗോളുകളാകാറുണ്ടെന്നത് കൊണ്ടാണത്.

അദ്ദേഹത്തെ പോലെ നോവലെഴുതാനുള്ള കഴിവ് എനിക്കില്ല. എന്നാൽ ഇന്നലെ അദ്ദേഹം എഴുതിയ ഒരു ഫേസ് ബുക്ക് നോവൽ ഇന്നിന്റെ പ്രസക്തിക്കനുസരിച്ച് ഒന്ന് പുന:രചന നടത്താനുള്ള എളിയ ശ്രമമാണ്.

പുതിയ നോവൽ :
മട്ടൻ ബിരിയാണി (ആട് ബിരിയാണി ) യുടെ ബാലാപാഠങ്ങൾ.
അധ്യായങ്ങൾ :
1. ആട് ബിരിയാണി ഉണ്ടാക്കുന്ന വിധം
2. രാജിക്കത്ത് എഴുതേണ്ടത് എങ്ങനെ?
3. മുങ്ങുന്ന കപ്പലിൽ നിന്ന് ഒരു മുഴം മുമ്പെ
4. മട്ടൻ്റെ രുചി
5. മരുമോൻ്റെ ജോലി
6. ചോദ്യം ചെയ്യലിൽ തലയിൽ മുണ്ടിട്ട്
7. വിജിലൻസും കസ്റ്റംസും പിന്നെ ഞാനും
8. ഭാവി എന്ന ചോദ്യചിഹ്നം
9. അദീബ് എന്ന ചെകുത്താൻ

അവസാന അധ്യായം

10. സത്യമെ ജയിക്കൂ.

NB: ഈ നോവലിനു ജീവിച്ചിരിക്കുന്നതോ ചത്തു പോയതോ ആയ ഏതെങ്കിലും ജലീലുമായി ഒരു ബന്ധവുമില്ല. ഉണ്ടെന്ന് തോന്നുന്നു എങ്കിൽ മനഃപൂർവ്വം മാത്രം.