നെടുമങ്ങാട് പൊലീസ് സ്റ്റേഷനിലേക്ക് ബോംബെറിഞ്ഞത് RSS പ്രചാരക്; CCTV ദൃശ്യം പുറത്ത്

തിരുവനന്തപുരം: സംഘർഷങ്ങളുടെ ഭാഗമായി നെടുമങ്ങാട് പൊലീസ് സ്റ്റേഷനിലേക്ക് ബോംബ് എറിഞ്ഞത് ആർഎസ്എസ് പ്രവർത്തകനാണെന്ന് വ്യക്തമാക്കുന്ന സിസിടിവി ദൃശ്യങ്ങൾ പുറത്ത്. ആർഎഎസ്എസിന്റെ നെടുമങ്ങാട് ജില്ലാ പ്രചാരക് പ്രവീൺ ബോംബ് എറിയുന്നതിന്റെ ദൃശ്യങ്ങള്‍ ന്യൂസ് 18-ന് ലഭിച്ചു. ആലപ്പുഴ നൂറനാട് സ്വദേശിയായ പ്രവീൺ ആർ.എസ്.എസിന്‍റെ നെടുമങ്ങാട് ജില്ലാ പ്രചാരക് ആണ്. നാലു ബോംബുകളാണ് പ്രവീൺ പൊലീസിനും സ്റ്റേഷനും നേരെ എറിഞ്ഞത്. സംഘർഷം നിയന്ത്രിക്കാൻ നിന്ന പൊലീസുകാരുടെ തൊട്ടരികിലാണ് ബോംബ് വീണ് പൊട്ടിയത്. ബോംബ് വീണതോടെ പൊലീസുകാർ ചിതറിയോടുന്ന ദൃശ്യങ്ങൾ അന്നുതന്നെ പുറത്തുവന്നിരുന്നു.