ശാന്തിവനം: തല്‍ക്കാലം വൈദ്യുതി ലൈന്‍ വളവ് നിവരില്ല; മന്ത്രി എം എം മണിയുമായി നടത്തിയ ചര്‍ച്ച പരാജയം
Last Updated:
സംഭവത്തെക്കുറിച്ച് അന്വേഷിക്കാമെന്ന് മന്ത്രി സമര സമിതിയെ അറിയിച്ചു
തിരുവനന്തപുരം: കൊച്ചിയിലെ ശാന്തിവനം സമരക്കാരുമായി വൈദ്യുതി മന്ത്രി എംഎം മണി നടത്തിയ ചര്‍ച്ച പരാജയം. ശാന്തിവനത്തിലൂടെ വൈദ്യുതി ലൈന്‍ വലിക്കുമെന്ന നിലപാടില്‍ വിട്ടുവീഴ്ച ഇല്ലെന്ന് കെഎസ്ഇബിയും തടയുമെന്ന് പരിസ്ഥിതി പ്രവര്‍ത്തകരും നിലപാട് എടുത്ത സാഹചര്യത്തിലായിരുന്നു ചര്‍ച്ച. സംഭവത്തെക്കുറിച്ച് അന്വേഷിക്കാമെന്ന് മന്ത്രി സമര സമിതിയെ അറിയിച്ചു. എന്നാല്‍ നിര്‍മാണ പ്രവര്‍ത്തനങ്ങള്‍ നിര്‍ത്തി വയ്ക്കണമെന്ന ആവശ്യം തള്ളി.
ടവര്‍ നിര്‍മ്മാണം നിര്‍ത്തിയവയ്ക്കണമെന്നാവശ്യപ്പെട്ട് സമരസമിതി ടവര്‍ നിര്‍മ്മിക്കുന്ന സ്ഥലത്തേക്ക് കഴിഞ്ഞദിവസം മാര്‍ച്ച് നടത്തിരുന്നു. പ്രതിഷേധം അവഗണിച്ച് ടവറിന്റെ നിര്‍മ്മാണം അതിവേഗമാണ് മുന്നോട്ടുപോകുന്നത്. ടവറിന്റെ കാലുകള്‍ ഉറപ്പിയ്ക്കുന്നതിനുള്ള നടപടികളും ആരംഭിച്ചുകഴിഞ്ഞു.
Also Read: ശാന്തിവനം സംരക്ഷണം; കെഎസ്ഇബി ടവർ നിർമാണത്തിനെതിരെ മുഖ്യമന്ത്രിക്ക് കത്തയച്ച് അൽഫോൺസ് കണ്ണന്താനം
ശാന്തിവനത്തെ ഒഴിവാക്കി മറ്റേതെങ്കിലും വഴിയിലൂടെ വൈദ്യുതി ലൈന്‍ സ്ഥാപിക്കണമെന്നാണ് സമരക്കാര്‍ പറയുന്നത്. ഇതേ ആവശ്യം സംസ്ഥാന ജൈവ വൈവിധ്യ ബോര്‍ഡും ഉന്നയിച്ചിരുന്നു. ശാന്തിവനത്തില്‍ സര്‍ക്കാര്‍ അടിയന്തരമായി ഇടപെടണമെന്നായിരുന്നു ശാന്തിവനം സംരക്ഷണ സമിതിയുടെ ആവശ്യം. സര്‍ക്കാര്‍ ഈ വിഷയത്തില്‍ അടിയന്തരമായി ഇടപെട്ട് കെഎസ്ഇബിയുടെ തീരുമാനം പുനഃപരിശോധിക്കുകയും ശാന്തിവനം സംരക്ഷിച്ചുകൊണ്ട് മന്നം ചെറായി 110 കെവി പദ്ധതി നടപ്പാക്കുകയും വേണമെന്നും സംരക്ഷണ സമിതി പറയുന്നു.
advertisement
സര്‍ക്കാര്‍ ഇടപെടാത്ത പക്ഷം ജൈവ സമ്പത്തിന് നേരെ നടക്കുന്ന അന്യായങ്ങള്‍ വെളിച്ചത്തു കൊണ്ടുവരുവാന്‍ ഉതകുന്ന വിധത്തില്‍ ജനകീയ സമരം കൂടുതല്‍ ശക്തമാക്കുമെന്നും സമരസമിതി നേരത്തെ അറിയിച്ചിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 10, 2019 10:03 AM IST
മലയാളം വാർത്തകൾ/ വാർത്ത/Kerala/
ശാന്തിവനം: തല്‍ക്കാലം വൈദ്യുതി ലൈന്‍ വളവ് നിവരില്ല; മന്ത്രി എം എം മണിയുമായി നടത്തിയ ചര്‍ച്ച പരാജയം
