രാമക്ഷേത്ര പ്രതിഷ്ഠാദിന ചടങ്ങ്; കോണ്ഗ്രസ് ഉള്പ്പടെയുള്ള പാര്ട്ടികള് വിട്ടുനില്ക്കുന്നത് ആശ്വാസം; പാണക്കാട് സാദിഖലി ശിഹാബ് തങ്ങള്
- Published by:Sarika KP
- news18-malayalam
Last Updated:
രാമക്ഷേത്രത്തിന് ആരും എതിരല്ലെന്നും എല്ലാ മതവിഭാഗങ്ങള്ക്കും അവരുടെ ആരാധനാലയങ്ങള് പ്രധാനമാണെന്നും അദ്ദേഹം വ്യക്തമാക്കി.
തിരുവനന്തപുരം: രാമക്ഷേത്ര പ്രതിഷ്ഠാദിന ചടങ്ങില് നിന്ന് കോണ്ഗ്രസ് ഉള്പ്പടെയുളള രാഷ്ട്രീയ പാര്ട്ടികള് വിട്ടുനില്ക്കുന്നതില് ആശ്വാസമുണ്ടെന്ന് മുസ്ലീം ലീഗ് സംസ്ഥാന അധ്യക്ഷന് പാണക്കാട് സാദിഖ് അലി ശിഹാബ് തങ്ങള്. രാമക്ഷേത്രത്തിന് ആരും എതിരല്ലെന്നും എല്ലാ മതവിഭാഗങ്ങള്ക്കും അവരുടെ ആരാധനാലയങ്ങള് പ്രധാനമാണെന്നും അദ്ദേഹം വ്യക്തമാക്കി. എന്നാൽ പ്രതിഷ്ഠാദിന ചടങ്ങ് രാഷ്ട്രീയ നേട്ടത്തിനായാണ് ബിജെപി ഉപയോഗിക്കുന്നതാണെന്നും ഇപ്പോള് അത് എല്ലാവര്ക്കും മനസിലായെന്നും സാദിഖലി തങ്ങള് പറഞ്ഞു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.
'രാമക്ഷേത്രത്തിന് ആരും എതിരല്ല. എല്ലാ മതവിഭാഗങ്ങള്ക്കും അവരുടെ ആരാധനാലയങ്ങള് പ്രധാനമാണ്. അതിനെ എല്ലാവരും ബഹുമാനിക്കേണ്ടതുമാണ്. കോടതി വിധിയുടെ പശ്ചാത്തലത്തില് വന്ന രാമക്ഷേത്രത്തെ മുസ്ലീങ്ങള് അംഗീകരിക്കുന്നു, രാമക്ഷേത്ര ഉദ്ഘാടനം കേവലമൊരു രാഷ്ട്രീയ നേട്ടത്തിനാണ് ബിജെപി ഉപയോഗിക്കുന്നതെന്ന് എല്ലാവര്ക്കും മനസിലായി. അതിന്റെ പശ്ചാത്തലത്തില് കോണ്ഗ്രസ് ഉള്പ്പടെയുള്ള പാര്ട്ടികള് വിട്ടുനില്ക്കുന്നതില് ആശ്വാസമുണ്ട്' -സാദിഖലി തങ്ങള് പറഞ്ഞു.
advertisement
സമസ്തയും മുസ്ലീം ലീഗും തമ്മില് അഭിപ്രായ വ്യത്യാസമുണ്ടെന്നുള്ളത് അടിസ്ഥാന രഹിതമാണ്. ലീഗും സമസ്തയും ഒന്നിച്ചു പോകുന്ന പ്രസ്ഥാനമാണ്. ഉഭയകക്ഷി ചർച്ച ഇതുവരെ തുടങ്ങിയിട്ടില്ലെന്നും സമയമാകുമ്പോൾ ലീഗ് അഭിപ്രായം പറയുമെന്നും അദ്ദേഹം വ്യക്തമാക്കി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kerala
First Published :
Jan 11, 2024 1:47 PM IST
മലയാളം വാർത്തകൾ/ വാർത്ത/Kerala/
രാമക്ഷേത്ര പ്രതിഷ്ഠാദിന ചടങ്ങ്; കോണ്ഗ്രസ് ഉള്പ്പടെയുള്ള പാര്ട്ടികള് വിട്ടുനില്ക്കുന്നത് ആശ്വാസം; പാണക്കാട് സാദിഖലി ശിഹാബ് തങ്ങള്
