തിരുവനന്തപുരത്ത് ഉത്സവത്തിനിടെ എസ്ഐയെ സിപിഒയും സഹോദരനും സുഹൃത്തുക്കളും ചേർന്ന് മർദിച്ച് ഓടയിൽ തള്ളിയിട്ടു

തിരുവനന്തപുരം നഗരൂരിൽ ഉത്സവത്തിനിടെ ഡ്യൂട്ടിയിലുണ്ടായിരുന്ന എസ്ഐയെ സിവിൽ പോലീസ് ഓഫീസറും സഹോദരനും സുഹൃത്തുക്കളും ചേർന്ന് മർദിച്ചതായി പരാതി.നഗരൂർ എസ്ഐ അൻസാറിനാണ് മർദനമേറ്റത്. നഗരൂർ സ്വദേശിയും പള്ളിക്കൽ പോലീസ് സ്‌റ്റേഷനിലെ സിപിഒയുമായ നന്ദു, ഇയാളുടെ സഹോദരൻ, സുഹൃത്തുക്കൾ എന്നിവർ ചേർന്നാണ് മർദിച്ചത്. വ്യാഴാഴ്ച രാത്രി നഗരൂരിൽ ഉത്സവത്തോടനുബന്ധിച്ച് നടന്ന ഗാനമേളയ്ക്കിടെ മദ്യപിച്ചു ബഹളമുണ്ടാക്കിയത് ചോദ്യം ചെയ്തതാണ് അക്രമത്തിന് കാരണമായത്.