• HOME
  • »
  • NEWS
  • »
  • kerala
  • »
  • K Rail Protest| പ്രതിഷേധത്തിനിടെ കോട്ടയം മാടപ്പള്ളിയിൽ സ്ഥാപിച്ച സർവേക്കല്ലുകൾ അപ്രത്യക്ഷമായി

K Rail Protest| പ്രതിഷേധത്തിനിടെ കോട്ടയം മാടപ്പള്ളിയിൽ സ്ഥാപിച്ച സർവേക്കല്ലുകൾ അപ്രത്യക്ഷമായി

കെ-റെയില്‍ അധികൃതര്‍ വ്യാഴാഴ്ച സ്ഥാപിച്ച സര്‍വേക്കല്ലുകളാണ് രാത്രിതന്നെ ആരോ പിഴുതെറിഞ്ഞത്.

  • Share this:
    കോട്ടയം: ചങ്ങനാശേരി (Chnaganassery) മാടപ്പള്ളിയിൽ (Madappally) പ്രദേശവാസികളുടെ പ്രതിഷേധം അവഗണിച്ച് പൊലീസിന്റെ സാന്നിധ്യത്തില്‍ അധികൃതര്‍ സ്ഥാപിച്ച കെ-റെയിലിന്റെ (K Rail) സര്‍വേ കല്ലുകള്‍ അപ്രത്യക്ഷമായി. കെ-റെയില്‍ അധികൃതര്‍ വ്യാഴാഴ്ച സ്ഥാപിച്ച സര്‍വേക്കല്ലുകളാണ് രാത്രിതന്നെ ആരോ പിഴുതെറിഞ്ഞത്.

    വ്യാഴാഴ്ച കെ-റെയില്‍ വിരുദ്ധ സമിതിയുടെ നേതൃത്വത്തില്‍ മാടപ്പള്ളിയിലും റീത്തുപള്ളിയിലും വന്‍ പ്രതിഷേധമാണ് അരങ്ങേറിയത്. സമരം ചെയ്ത സ്ത്രീകള്‍ ഉള്‍പ്പടെയുള്ളവര്‍ക്ക് പൊലീസിന്റെ മര്‍ദനമേറ്റിരുന്നു. സ്ത്രീകൾ ഉൾപ്പെടെയുള്ളവരെ അറസ്റ്റ് ചെയ്ത് നീക്കിയശേഷമാണ് മാടപ്പള്ളിയിലും പരിസരപ്രദേശങ്ങളിലും ഉദ്യോഗസ്ഥര്‍ കല്ലുകള്‍ സ്ഥാപിച്ചിരുന്നത്.

    കല്ലുകള്‍ പിഴുതുമാറ്റുമെന്ന് അറസ്റ്റ് ചെയ്ത ഘട്ടത്തില്‍ തന്നെ സമരസമിതി പ്രവര്‍ത്തകര്‍ പറഞ്ഞിരുന്നു. ഇതിനിടെ കെ-റെയില്‍ വിരുദ്ധ സമരക്കാര്‍ക്ക് നേരെയുണ്ടായ പൊലീസ് നടപടിയില്‍ പ്രതിഷേധിച്ച് സംയുക്ത സമരസമിതി ചങ്ങനാശ്ശേരി നിയോജക മണ്ഡലത്തില്‍ ഇന്ന് ഹർ ത്താല്‍ ആചരിക്കുകയാണ്. ബിജെപിയും യുഡിഎഫും പിന്തുണ പ്രഖ്യാപിച്ചിട്ടുണ്ട്.

    സ്ത്രീകളും കുട്ടികളും അടക്കമുള്ള സമരക്കാരെ മര്‍ദിക്കുകയും വലിച്ചിഴയ്ക്കുകയും ചെയ്ത പോലീസ് നടപടിയില്‍ പ്രതിഷേധിച്ച് വെള്ളിയാഴ്ച സില്‍വര്‍ലൈന്‍ വിരുദ്ധ ജനകീയ സമിതി ജില്ലാ കമ്മിറ്റി ജില്ലയില്‍ കരിദിനാചരണം നടത്തുമെന്നും അറിയിച്ചിട്ടുണ്ട്.

    ഇതിനിടെ, മാടപ്പള്ളിയിലെ പൊലീസ് നടപടി സഭ നിർത്തിവെച്ച് ചർച്ച ചെയ്യാത്തതില്‍ പ്രതിഷേധിച്ച് പ്രതിപക്ഷം നിയമസഭ ബഹിഷ്കരിച്ചു. പ്രതിപക്ഷ നേതാവ് വി ഡി സതീശന്റെ നേതൃത്വത്തിൽ പ്രതിപക്ഷ നേതാക്കൾ മാടപ്പള്ളിയിലെത്തും.

    'അമ്മയെ കൊണ്ടുപോകരുതേ..', പൊലീസ് നടപടിക്കെതിരെ ഒന്നാം ക്ലാസുകാരിയുടെ നിലവിളി ഹൃദയഭേദകം

    സി​ല്‍വ​ര്‍ ലൈ​ന്‍ വി​രു​ദ്ധ ജ​ന​കീ​യ സ​മി​തി ന​ട​ത്തി​യ പ്ര​തി​ഷേ​ധ​ത്തി​നി​ട​യി​ല്‍ അ​മ്മ​യെ ​പൊ​ലീ​സ് വ​ലി​ച്ചി​ഴ​ച്ച് കൊ​ണ്ടു പോ​വു​ന്ന​ത് ക​ണ്ട് ഒ​ന്നാം ക്ലാ​സു​കാ​രി​യു​ടെ നി​ല​വി​ളി ഹൃ​ദ​യ​ഭേ​ദ​ക​മാ​യി. ത​ന്‍റെ ര​ണ്ടു വീ​ടു​ക​ളും ന​ഷ്ട​പ്പെ​ടു​മെ​ന്നു​വ​ന്ന​തോ​ടെ​യാ​ണ്​ കൊ​ര​ണ്ടി​ത്താ​നം ഇ​യ്യാ​ലി​ല്‍ ജി​ജി ഫി​ലി​പ്പ് സ​മ​ര​രം​ഗ​ത്തി​റ​ങ്ങി​യ​ത്. മ​ക​ള്‍ സോ​മി​യ മെ​റി​ന്‍ ഫി​ലി​പ്പും ഭ​ര്‍ത്താ​വ് ഫിലി​പ്പും ജി​ജി​ക്കൊ​പ്പ​മു​ണ്ടാ​യി​രു​ന്നു. സ​മ​രം ശ​ക്ത​മാ​യ​തോ​ടെ പൊ​ലീ​സ് ജി​ജി​യെ ക​സ്റ്റ​ഡി​യി​ലെ​ടു​ത്തു. ജി​ജി ബ​ലം പ്ര​യോ​ഗി​ച്ച​തോ​ടെ ഇ​വ​രെ റോ​ഡി​ലൂ​ടെ വ​ലി​ച്ചി​ഴ​ച്ചും തൂ​ക്കി​യെ​ടു​ത്തു​മാ​ണ് വ​ണ്ടി​യി​ലേ​ക്ക് മാ​റ്റി​യ​ത്. ഇ​തി​നി​ട​യി​ല്‍ ഇ​വ​രു​ടെ കാ​ല്‍മു​റി​ഞ്ഞ്​ ര​ക്തം ഒ​ഴു​കു​ന്നു​ണ്ടാ​യി​രു​ന്നു.

    ആ​കെ സം​ഘ​ര്‍ഷ​ഭ​രി​ത​മാ​യ സാ​ഹ​ച​ര്യ​ത്തി​ല്‍ അ​മ്മ​യെ വ​ലി​ച്ചി​ഴ​ക്കു​ന്ന​തും ര​ക്തം ഒ​ഴു​കു​ന്ന​തും ക​ണ്ട്​ പൊ​ലീ​സു​കാ​ര്‍ക്ക് പി​ന്നാ​ലെ അ​മ്മ​യെ വി​ട​ണ​മെ​ന്നാ​വ​ശ്യ​പ്പെ​ട്ട് സോ​മി​യ ക​ര​ഞ്ഞു​കൊ​ണ്ട് ഓ​ടു​ക​യാ​യി​രു​ന്നു. ഇ​തു​ക​ണ്ട് നാ​ട്ടു​കാ​രും ജി​ജി​യെ വി​ട​ണ​മെ​ന്ന് പൊ​ലീ​സി​നോ​ട് ആ​വ​ശ്യ​പ്പെ​ട്ടു​വെ​ങ്കി​ലും ത​യാ​റാ​യി​ല്ല. തു​ട​ര്‍ന്ന് റീ​ത്തു​പ​ള്ളി കു​രി​ശ​ടി​യി​ല്‍ ഇ​രു​ന്ന്​ കുഞ്ഞു​സോ​മി​യ ഉ​റ​ക്കെ നി​ല​വി​ളി​ച്ചു. കു​ട്ടി നി​ര്‍ത്താ​തെ നി​ല​വി​ളി​ച്ച​തോ​ടെ ഡി​വൈഎ​സ്​പി​യെ​ത്തി കു​ട്ടി​യെ വീ​ട്ടി​ലേ​ക്ക് കൊ​ണ്ടു​പോ​വാ​ന്‍ പി​താ​വി​നോ​ട് ആ​വ​ശ്യ​പ്പെ​ട്ടു. ത​യാ​റാ​വാ​തെ വ​ന്ന​തോ​ടെ പി​താ​വി​നെ​യും ക​സ്റ്റ​ഡി​യി​ലെ​ടു​ക്കു​മെ​ന്ന് പൊ​ലീ​സ് പ​റ​ഞ്ഞു.

    Also Read- K-RAIL | കെ-റെയിൽ സമരക്കാർക്കെതിരായ പൊലീസ് നടപടി; ചങ്ങനാശേരിയില്‍ ഇന്ന് ഹര്‍ത്താല്‍

    ഇ​തോ​ടെ​യാ​ണ് പി​താ​വ് കു​ട്ടി​യു​മാ​യി ഇ​വി​ടെ​നി​ന്നും മാ​റി​യ​ത്. ബി​ലീ​വേ​ഴ്‌​സ് സ്‌​കൂ​ള്‍ ഒ​ന്നാം ക്ലാ​സ് വി​ദ്യാ​ർ​ഥി​യാ​ണ് സോ​മി​യ. സം​ഘ​ര്‍ഷം ന​ട​ക്കു​ന്ന​യി​ട​ത്ത് പ്രാ​യ​പൂ​ര്‍ത്തി​യാ​വാ​ത്ത കുട്ടി​ക​ളു​മാ​യി എ​ത്തു​ന്ന​ത് കു​റ്റ​ക​ര​മാ​ണെ​ന്ന് പ​റ​ഞ്ഞ് പൊ​ലീ​സ് മു​ഴു​വ​ന്‍ കു​ട്ടി​ക​ളെ​യും ഇ​വി​ടെ നി​ന്നും മാ​റ്റ​ണ​മെ​ന്നാ​വ​ശ്യ​പ്പെ​ട്ടു. രാ​വി​ലെ മു​ത​ല്‍ സ​മ​ര​ത്തി​ല്‍ പ​ങ്കെ​ടു​ത്ത​വ​ര്‍ക്ക് കു​പ്പി​യി​ല്‍ വെ​ള്ളം ന​ല്‍കി​യും മ​റ്റും അ​മ്മ​ക്കൊ​പ്പ​മു​ണ്ടാ​യി​രു​ന്ന സോ​മി​യ​യു​ടെ നി​ല​വി​ളി സ​മ​ര​രം​ഗ​ത്ത് വേ​ദ​ന​യാ​യി.
    Published by:Rajesh V
    First published: