'ഹിന്ദുക്കൾ വഴിയിലെ ചെണ്ടയല്ല'; ഗണപതി 'മിത്ത്' വിവാദത്തില്‍ ഷംസീര്‍ പൊതുമാപ്പു പറയണമെന്ന് വെള്ളാപ്പള്ളി നടേശന്‍

ആലപ്പുഴ: ഗണപതി മിത്ത് വിവാദത്തിൽ സ്പീക്കർ എ എൻ ഷംസീറിനെതിരെ ആഞ്ഞടിച്ച് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശൻ. സ്പീക്കറുടേത് മാപ്പുപറയേണ്ട  ജൽപ്പനങ്ങളാണെന്ന് വെള്ളാപ്പള്ളി വിമര്‍ശിച്ചു. ഹിന്ദുക്കൾ വഴിയിലെ ചെണ്ടയല്ല. ഇതര മതവിഭാഗങ്ങളിലെപ്പോലെ ഹിന്ദുക്കൾക്കും കോ-ഓർഡിനേഷൻ കമ്മറ്റി ഉണ്ടാക്കി കൊടുക്കുന്ന തരം വാക്കുകളാണ് ഷംസീറിൽ നിന്നു വന്നത്. ഷംസീർ പൊതുമാപ്പ് പറയണമെന്നും തെറ്റേറ്റ് പറയുന്നത് ഏറ്റവും വലിയ മഹത്വമാണെന്നും വെള്ളാപ്പള്ളി നടേശൻ പറഞ്ഞു. കായംകുളം എസ്എന്‍ഡിപി ഗുരുകീർത്തി പരിപാടിയിലായിരുന്നു വെള്ളാപ്പള്ളിയുടെ പ്രതികരണം.