അയ്യപ്പജ്യോതി: പങ്കെടുക്കാനെത്തിയവർക്ക് നേരെ കല്ലേറ്; നിരവധി പേർക്ക് പരുക്ക്

ശബരിമലയിലെ ആചാരനുഷ്ഠാനങ്ങൾ സംരക്ഷിക്കണമെന്നാവശ്യപ്പെട്ട് ശബരിമല കർമസമിതിയുടെ നേതൃത്വത്തിൽ സംഘടിപ്പിച്ച അയ്യപ്പ ജ്യോതിയിൽ പങ്കെടുക്കാനെത്തിയവർക്കെതിരെ കല്ലേറ്. കണ്ണൂർ- കാസർകോട് ജില്ലാ അതിർത്തിയായ ആണൂരിലാണ് കല്ലേറുണ്ടായത്. അയ്യപ്പ ജ്യോതിയിൽ അണിചേരാൻ പോയ പ്രവർത്തകർ സഞ്ചരിച്ച മൂന്നു ബസ്സുകൾക്ക് നേരെയാണ് കല്ലേറുണ്ടായത്. നിരവധി പേർക്ക് പരുക്കേറ്റു. കോടോം-ബേളൂർ പഞ്ചായത്തിൽ നിന്നും അയ്യപ്പജ്യോതിയിൽ അണിചേരാൻ പോയവർക്കുനേരെയാണ് കല്ലേറുണ്ടായത്.