ഫോൺ വാങ്ങിവെച്ചതിന് 11കാരി വീടുവിട്ടിറങ്ങി; എത്തിയത് നെടുമ്പാശേരി വിമാനത്താവളത്തിൽ

പൊലീസ് സ്റ്റേഷനിൽ വെച്ച് പെൺകുട്ടി വീട്ടിലേക്കു പോകുന്നില്ലെന്ന് പറഞ്ഞു കരഞ്ഞു. തനിക്ക് കൂട്ടുകാരിയുടെ അമ്മയുടെ അടുത്തേക്കു പോയാൽ മതിയെന്നും പെൺകുട്ടി ആവർത്തിച്ചുകൊണ്ടിരുന്നു. പിന്നീട് പൊലീസ് നടത്തിയ കൌൺസിലിങ്ങിലാണ് മാളയിൽനിന്നാണ് പെൺകുട്ടി നെടുമ്പാശേരിയിൽ എത്തിയതെന്ന് വ്യക്തമായത്. അതിനിടെ പെൺകുട്ടിയുടെ വീട്ടുകാർ, നെടുമ്പാശേരിയിൽ എത്തിയിരുന്നു. പിന്നീട് പെൺകുട്ടിയെ വീട്ടുകാർക്കൊപ്പം അയച്ചു.

പെൺകുട്ടി വീടു വിട്ടിറങ്ങി നെടുമ്പാശേരി വരെ എത്തിയതിന്‍റെ ഞെട്ടലിലായിരുന്നു വീട്ടുകാരും പൊലീസുകാരും. ഇതുവരെയും ഇത്രയും ദൂരം പെൺകുട്ടി ഒറ്റയ്ക്കു യാത്ര ചെയ്തിട്ടില്ലെന്ന് വീട്ടുകാർ പറയുന്നു. ഉറ്റ കൂട്ടുകാരിയുടെ അമ്മ വിദേശത്താണ് ജോലി ചെയ്യുന്നത്. കൂട്ടുകാരിക്കൊപ്പം അവളുടെ അമ്മയുടെ അടുത്തേക്കു പോകുന്ന കാര്യം പെൺകുട്ടി ഇടയ്ക്കിടെ പറയാറുണ്ട്. എന്നാൽ മൊബൈൽ ഫോൺ വാങ്ങിവെച്ചതോടെ വീടു വിട്ടിറങ്ങി നെടുമ്പാശേരിയിൽ എത്തിയത് വിശ്വസിക്കാനാകുന്നില്ലെന്നാണ് പെൺകുട്ടിയുടെ വീട്ടുകാർ പറയുന്നത്.