പ്രകൃതിക്ക് കോട്ടം തട്ടാതെ വികസനം; തിരുവനന്തപുരം അമ്പൂരിയിൽ ഇനി ട്രെക്കിംഗും കയാക്കിംഗും

പ്രകൃതിക്ക് കോട്ടം തട്ടാത്ത വികസനം ലക്ഷ്യമിട്ട് തിരുവനന്തപുരം ജില്ലയിലെ പ്രകൃതിരമണീയമായ അമ്പൂരി ഗ്രാമത്തെ വിനോദസഞ്ചാര ഭൂപടത്തിലെ പ്രധാന കേന്ദ്രമാക്കി മാറ്റാനുള്ള പദ്ധതിയുമായി ടൂറിസം വകുപ്പ് മുന്നോട്ട്. തിരുവനന്തപുരം നഗരത്തിൽ നിന്ന് ഏകദേശം 38 കിലോമീറ്റർ അകലെയുള്ള ഈ പ്രദേശത്തെ ടൂറിസം കേന്ദ്രമാക്കാനുള്ള വിശദമായ പ്രോജക്ട് റിപ്പോർട്ട് സംസ്ഥാന സർക്കാർ അംഗീകരിച്ചു. കൂനിച്ചി മല, കാളിപ്പാറ എന്നിങ്ങനെ ട്രെക്കിംഗിന് പ്രശസ്തമായ രണ്ട് കുന്നുകളും ഒരു തടാകക്കരയും ഉൾപ്പെടുന്നതാണ് പദ്ധതിയുടെ പ്രധാന ആകർഷണങ്ങൾ.