നവകേരള സ്വപ്നം യാഥാർത്ഥ്യമാക്കാൻ ആറ്റിങ്ങൽ നഗരസഭയും

നഗരസഭ ചെയർപേഴ്സൺ തന്നെ കെ.എസ്.ആർ.ടി.സി. ബസ് കഴുകുന്ന കാഴ്ച ബസ്സ്റ്റാൻഡിൽ ഉണ്ടായിരുന്നവർക്ക് കൗതുകമായി. നഗരത്തിലെ വിദ്യാഭ്യാസ സ്ഥാപനങ്ങളിലെ എൻ.എസ്.എസ്. വോളൻ്റിയർമാരെ പങ്കെടുപ്പിച്ചു കൊണ്ട് നടത്തിയ ക്വിസ് മത്സരത്തിലെ വിജയികൾക്കുള്ള സമ്മാന വിതരണവും പ്രതിജ്ഞാ വാചകം ചൊല്ലലും നടന്നു. കൂടാതെ ഗവ. കോളേജ്, ഐ.റ്റി.ഐ. എന്നിവിടങ്ങളിലെ വിദ്യാർത്ഥികൾ അവതരിപ്പിച്ച ഫ്ലാഷ്മോബും കാണികൾക്ക് കൗതുകമായി.

വൈസ് ചെയർമാൻ ജി. തുളസീധരൻ പിള്ള അധ്യക്ഷത വഹിച്ച ചടങ്ങിൽ ക്ലീൻസിറ്റി മാനേജർ എം.ആർ. റാംകുമാർ സ്വാഗതം പറഞ്ഞു. സ്റ്റാൻഡിംഗ് കമ്മറ്റി അധ്യക്ഷ എസ്. ഗിരിജ, പാർലമെൻ്ററി പാർട്ടി ലീഡർ ആർ. രാജു, അസി. ട്രാൻസ്പോർട്ട് ഓഫീസർ സഞ്ജയ് തുടങ്ങിയവർ ആശംസകളർപ്പിച്ച് സംസാരിച്ചു. ആരോഗ്യ സ്റ്റാൻഡിംഗ് കമ്മറ്റി ചെയർപേഴ്സൻ രമ്യാസുധീർ യോഗത്തിനു നന്ദി പറഞ്ഞു. കൗൺസിലർമാരായ എം. താഹിർ, ലൈലാ ബീവി, രാജഗോപാലൻ പോറ്റി, ആരോഗ്യ വിഭാഗം ഉദ്യോഗസ്ഥർ, ശുചീകരണ തൊഴിലാളികൾ, വിദ്യാർത്ഥികൾ, അധ്യാപകർ, കെ.എസ്.ആർ.ടി.സി. ജീവനക്കാർ തുടങ്ങിയവരും പങ്കെടുത്തു.