അജ്ഞാതനായ യാത്രക്കാരനെ കാത്ത് വാനരക്കൂട്ടം; പൊന്മുടിയിലേക്ക് പോകുന്ന വഴിയുള്ള കാഴ്ച്ച

പൊന്മുടിയിലേക്കുള്ള യാത്രാമധ്യേ പലയിടത്തും കുരങ്ങിൻ കൂട്ടത്തെ കാണുന്നത് മുൻപ് പതിവായിരുന്നു. ആളുകൾ ഭക്ഷണം നൽകുന്നതും, വഴിയരികിൽ വാഹനം പാർക്ക് ചെയ്യുന്നതും ഒക്കെ അന്ന് വലിയ തിരക്കും ഇവിടെ സൃഷ്ടിച്ചിരുന്നു. എന്നാൽ ഇന്ന് കാലം മാറിയതോടെ കഥയും മാറി. കുരങ്ങന്മാരും ചില പ്രത്യേക ഇരിപ്പിടങ്ങൾ മാത്രം തിരഞ്ഞെടുത്തു. അതിനാൽ തന്നെ പൊന്മുടിയിലേക്കുള്ള ഹെയർപിൻ വളവിൽ ഒന്ന്, രണ്ട് ഇടത്ത് മാത്രമാണ് ഇവയെ കാണാനാവുക.