മുതലപ്പൊഴി ദുരന്തം; ലത്തീൻ സഭയുടെ പ്രതിഷേധങ്ങൾക്ക് മുസ്ലിം ജമാഅത്തിൻ്റെ പരസ്യ പിന്തുണ

മുതലപ്പൊഴി അപകടത്തിന്റെ പശ്ചാത്തലത്തിൽ സർക്കാരിനെതിരെ ലത്തീൻ സഭ നേതൃത്വം നൽകുന്ന പ്രതിഷേധങ്ങൾക്ക് പരസ്യ പിന്തുണയുമായി മുസ്ലിം ജമാഅത്ത് . മത്സ്യത്തൊഴിലാളികൾക്ക് ഐക്യദാർഢ്യം പ്രഖ്യാപിച്ച് വരുന്ന തിങ്കളാഴ്ച മുതലപ്പൊഴിയിലെ ഹാർബർ എക്സിക്യൂട്ടീവ് എൻജിനീയറിങ് ഓഫീസിലേക്ക് പ്രതിഷേധ മാർച്ചും  ധർണയും നടത്തും. പ്രശ്നപരിഹാരം വൈകിയാൽ സമരം സംഘടിപ്പിക്കാനാണ് മുസ്ലിം ജമാഅത്തിന്റെ തീരുമാനം. അതേസമയം വിഷയത്തിൽ യുഡിഎഫ് രാഷ്ട്രീയ മുതലെടുപ്പിന് ശ്രമം നടത്തുകയാണ് എന്ന ആക്ഷേപമാണ് സർക്കാർ കേന്ദ്രങ്ങളിൽ ഉയരുന്നത്. മുതലപ്പൊഴിയിലെ അപകടസാധ്യതകൾ ഇല്ലാതാക്കാനുള്ള പഠനം പുരോഗമിക്കുകയാണെന്നും തുറമുഖ വകുപ്പ് വിശദീകരിക്കുന്നു.