തുമ്പയിൽ നിന്നും റോക്കറ്റ് പറന്നുയർന്ന കഥ, ഒരു ഗ്രാമത്തിൻ്റെ നന്മ രാജ്യത്തിനു അഭിമാനമായ കഥ!

ബഹിരാകാശ രംഗത്ത് അസൂയാവഹമായ നേട്ടങ്ങൾ കരസ്ഥമാക്കി മുന്നേറുന്ന ഇന്ത്യയുടെ വിജയഗാഥയ്ക്ക് അടിത്തറപാകിയ ഒരു കൊച്ചു ഗ്രാമമുണ്ട് തിരുവനന്തപുരത്ത്. രാജ്യത്തിനു പറന്നുയരാൻ കരുത്തേകിയ സാധാരണക്കാരായ ഒരു കൂട്ടം മനുഷ്യരുടെ നന്മയുടെ കഥ കൂടി പറയുന്നുണ്ട് തുമ്പയെന്ന കടലോര ഗ്രാമം. ഇന്ത്യയുടെ ബഹിരാകാശ സ്വപ്നങ്ങൾ ചിറകേറിയത്,  രാജ്യത്തെ ആദ്യത്തെ റോക്കറ്റ് വിക്ഷേപണ കേന്ദ്രമായി തിരഞ്ഞെടുക്കപ്പെട്ട തുമ്പ എന്ന ഈ കൊച്ചു മുക്കുവഗ്രാമത്തിൽ നിന്നാണ്.