തൃശ്ശൂർ പൂരം വെടിക്കെട്ട് നിയന്ത്രണം: കേന്ദ്രസര്‍ക്കാര്‍ വിജ്ഞാപനത്തിനെതിരെ പൂത്തിരി കത്തിച്ച് ബ്രാഹ്മണസഭ പ്രതിഷേധം

തൃശ്ശൂർ പൂരത്തിനോടനുബന്ധിച്ച വെടിക്കെട്ട് നടത്തുന്നതുമായി ബന്ധപ്പെട്ട് കേന്ദ്രസർക്കാർ കൊണ്ടുവന്ന പുതിയ നിബന്ധനകൾക്കെതിരെ തൃശ്ശൂരിൽ വേറിട്ട പ്രതിഷേധവുമായി ബ്രാഹ്മണസഭ. പൂത്തിരിയും കമ്പിത്തിരിയും കത്തിച്ചുകൊണ്ടാണ് വെടിക്കെട്ടിനെ കർശനമായി നിയന്ത്രിക്കുന്ന കേന്ദ്രസർക്കാർ ഉത്തരവിനെതിരെ ബ്രാഹ്മണ സഭ പ്രതിഷേധിച്ചത്. തൃശ്ശൂർ പൂരം ഉൾപ്പെടെ സകല ഉത്സവങ്ങളുടെയും വെടിക്കെട്ടുകളെ നിയന്ത്രിക്കുന്ന കേന്ദ്രസർക്കാർ ഉത്തരവിനെതിരെയാണ് പ്രതിഷേധം.