Puthuppally Bypolls | പുതുപ്പള്ളി: ലോക്സഭാ തിരഞ്ഞെടുപ്പിലേക്കുള്ള റിഹേഴ്സൽ; പ്രതീക്ഷയിൽ യു.ഡി.എഫ്.

ജനങ്ങളെ നെഞ്ചോട് ചേർത്ത ഉമ്മൻ ചാണ്ടി അഥവാ പുതുപ്പള്ളിക്കാരുടെ പ്രിയ കുഞ്ഞൂഞ്ഞ് നീണ്ട 53 വർഷങ്ങൾ ജനനായകനായി തുടർന്ന മണ്ഡലം അരനൂറ്റാണ്ടിനു ശേഷം ഭരണമാറ്റത്തിനൊരുങ്ങുന്നു. മത്സരരംഗത്ത് എൽ.ഡി.എഫ്. – യു.ഡി.എഫ്. പോരാട്ടം മുറുകുമ്പോൾ, ഇരു മുന്നണികളും രംഗത്തെത്തിക്കുന്നത് യുവാക്കളെ എന്നതും ശ്രദ്ധേയം. ക്യാമ്പസ് കാലം മുതൽ സജീവ രാഷ്ട്രീയ പ്രവർത്തനം നടത്തി പാരമ്പര്യമുള്ള ചാണ്ടി ഉമ്മനാണ് യു.ഡി.എഫിന്റെ മുഖം. രണ്ടുവട്ടം ഉമ്മൻ ചാണ്ടിക്കെതിരെ മത്സരിച്ചു പരീക്ഷണം നടത്തിയ ജെയ്ക് സി. തോമസാണ് മറുപക്ഷത്ത്. 2016ലും 2021ലും ഉമ്മൻ ചാണ്ടിക്കെതിരെ ജെയ്ക് മത്സരരംഗത്തുണ്ടായിരുന്നു.