'ചര്‍ച്ച നടത്താന്‍ ആരേയും ചുമതലപ്പെടുത്തിയിട്ടില്ല'; രാഹുൽ മാങ്കൂട്ടത്തിൽ പിവി അൻവറിനെ കാണാൻപോയത് തെറ്റെന്ന് വിഡി സതീശൻ

രാഹുൽ മാങ്കൂട്ടത്തില്‍ സ്വയം തീരുമാനമെടുത്ത് പോയതാണ്. രാഹുലിനോട് വിശദീകരണമൊന്നും ചോദിക്കില്ല. അദ്ദേഹം തനിക്ക് അനിയനപ്പോലെയാണെന്നും എന്നാൽ താൻ രാഹുലിനെ വ്യക്തിപരമായി ശാസിക്കുമെന്നും സതീശൻ പറഞ്ഞു.

യു.ഡി.എഫ് സ്ഥാനാർത്ഥിയെ പിന്തുണയ്ക്കുകയാണെങ്കിൽ ആലോചിക്കാമെന്നായിരുന്നു നേരത്തെ പിവി അൻവറിനോട് യു.ഡി.എഫ് നേതൃത്വം അറിയിച്ചത്. എന്നാൽ പിറ്റേ ദിവസം തന്നേ അൻവർ പഴയ നിലപാട് ആവർത്തിച്ചു. ഇതോടെ അൻവറുമായുള്ള ചർച്ചയുടെ വാതിലടഞ്ഞെന്നും ഇനി ചർച്ചയില്ലെന്നും ഇക്കാര്യം അൻവറിനെ അറിയിച്ചതാണെന്നും സതീശൻ വ്യക്തമാക്കി.

നിലമ്പൂരിൽ സംഘടനാപരമായി യു.ഡി.എഫ് ശക്തമാണെന്നും എല്‍ഡിഎഫും യുഡിഎഫും തമ്മിലാണ് മത്സരമെന്നും സതീശൻ പറഞ്ഞു.